ఇందులో భాగంగా కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ ఢిల్లీలో ఒక ఉన్నత స్థాయి సమీక్షా సమావేశాన్ని నిర్వహించారు. తెలంగాణతో పాటు జమ్మూ-కాశ్మీర్, లడఖ్‌ పరిధిలోని జాతీయ రహదారి ప్రాజెక్టుల పురోగతిపై అధికారులు, నిర్మాణ సంస్థలతో ఆయన సుదీర్ఘంగా చర్చించారు. పనుల్లో ఎదురవుతున్న సమస్యలు, సవాళ్లను అడిగి తెలుసుకున్నారు.

Read Also: Tungabhadra Project CMs Meeting:కేంద్రమంత్రితో తుంగభద్రపై సీఎంల కీలక భేటీ

Nitin Gadkari

Nitin Gadkari: మూడు ప్రాంతాల్లో భారీగా రహదారుల నిర్మాణం

ఈ సమీక్షా సమావేశంలో ప్రధానంగా మూడు కీలక ప్రాంతాల్లో నిర్మాణంలో ఉన్న రహదారుల ప్రగతిని పరిశీలించారు:

• తెలంగాణ: రాష్ట్రంలో రికార్డు స్థాయిలో 4,931 కిలోమీటర్ల మేర నిర్మాణంలో ఉన్న జాతీయ రహదారి పనుల పురోగతిపై చర్చించారు.
• జమ్మూ-కాశ్మీర్: ఇక్కడ నిర్మాణంలో ఉన్న 2,035 కిలోమీటర్ల రహదారి పనులను సమీక్షించారు.
• లడఖ్: వ్యూహాత్మకంగా ఎంతో ప్రాధాన్యత కలిగిన ఈ ప్రాంతంలో నిర్మాణంలో ఉన్న 804 కిలోమీటర్ల రోడ్డు పనుల స్థితిగతులను అంచనా వేశారు.

నాణ్యత, భద్రత విషయంలో రాజీ లేదు

ప్రాజెక్టుల నాణ్యత, నిర్వహణ, భద్రతా ప్రమాణాల విషయంలో ఎక్కడా రాజీ పడకూడదని నితిన్ గడ్కరీ నిర్మాణ సంస్థలకు కఠిన ఆదేశాలు జారీ చేశారు. దీర్ఘకాలం మన్నికైన రహదారులను నిర్మించడంపైనే తమ దృష్టి ఉందన్నారు. ప్రాంతీయ అనుసంధానాన్ని పెంచడం, ఆర్థిక వృద్ధిని వేగవంతం చేయడం, పర్యాటకాన్ని ప్రోత్సహించడంలో ఈ హైవేలు కీలక పాత్ర పోషిస్తాయని, అందువల్ల పనుల పర్యవేక్షణను బలోపేతం చేసి నిర్దేశిత గడువులోపు పూర్తి చేయాలని స్పష్టం చేశారు. ఇందుకోసం ఆధునిక సాంకేతికతలు, అంతర్జాతీయ ఉత్తమ పద్ధతులను అమలు చేయాలని సూచించారు. ప్రస్తుత వర్షాకాలాన్ని దృష్టిలో ఉంచుకుని అధికారులు మరింత అప్రమత్తంగా వ్యవహరించాలని కేంద్ర మంత్రి ఆదేశించారు. ముఖ్యంగా కొండ ప్రాంతాలు, భారీ వర్షాలు కురిసే చోట్ల డ్రైనేజీ వ్యవస్థలను మెరుగుపరచాలని, కొండచరియలు విరిగిపడకుండా ముందస్తు చర్యలు చేపట్టాలని సూచించారు. ఏవైనా అత్యవసర పరిస్థితులు ఎదురైతే తక్షణమే స్పందించేలా 'ఎమర్జెన్సీ రెస్పాన్స్ సిస్టమ్స్'ను నిరంతరం సిద్ధంగా ఉంచాలని అధికారులను ఆదేశించారు.

యువత.. జాగ్రత్త! మత్తుకు దూరంగా..