Revanth Reddy Oxford Visit: తెలంగాణను ప్రపంచస్థాయి విద్య, పరిశోధన మరియు నైపుణ్యాభివృద్ధి కేంద్రంగా తీర్చిదిద్దే లక్ష్యంతో రాష్ట్ర ప్రభుత్వం మరో కీలక ముందడుగు వేసింది.
లండన్ పర్యటనలో ఉన్న ముఖ్యమంత్రి రేవంత్ రెడ్డి నేతృత్వంలోని 'తెలంగాణ రైజింగ్' ప్రతినిధి బృందం 900 ఏళ్ల సుదీర్ఘ చరిత్ర కలిగిన ప్రముఖ ఆక్స్ఫర్డ్ యూనివర్సిటీని (Oxford University) సందర్శించింది. హైదరాబాద్లో ఆక్స్ఫర్డ్ యూనివర్సిటీకి చెందిన ప్రత్యేక కేంద్రాన్ని (Special Center) ఏర్పాటు చేయాలని, రాష్ట్ర యువత మరియు ఉద్యోగ నిపుణులకు ఎగ్జిక్యూటివ్ ఎడ్యుకేషన్, పరిశోధన అవకాశాలను అందించాలని సీఎం కోరారు.
Read Also :National Best Teacher Award: జాతీయ ఉత్తమ అవార్డుకు ఎంపికైన కామారెడ్డి టీచర్
Revanth Reddy Oxford Visit: సమావేశంలో కీలక చర్చలు & ప్రాధాన్యతలు
ఆక్స్ఫర్డ్ యూనివర్సిటీ బ్లోవాట్నిక్ స్కూల్ ఆఫ్ గవర్నమెంట్ ప్రొఫెసర్ మాయా ట్యూడర్, బేలియోల్ కాలేజీ ప్రొఫెసర్ ఫైసల్ దేవ్జీలతో ముఖ్యమంత్రి సమావేశమై 'తెలంగాణ రైజింగ్' విజన్ను వివరించారు.
- గ్లోబల్ సెంటర్ ప్రతిపాదన: విదేశీ విశ్వవిద్యాలయాల ఏర్పాటుకు జాతీయ విద్యా విధానం (NEP) కింద ఉన్న అవకాశాలను వివరిస్తూ, హైదరాబాద్లో ప్రత్యేక ఆక్స్ఫర్డ్ కేంద్రాన్ని ప్రారంభించాలని ఆహ్వానించారు.
- సానుకూల స్పందన: తెలంగాణ ప్రభుత్వంతో విద్య, నైపుణ్యాభివృద్ధి మరియు పరిశోధన రంగాల్లో కలిసి పనిచేసేందుకు, విద్యా కార్యక్రమాలను విస్తరించేందుకు ఆక్స్ఫర్డ్ ప్రతినిధులు సానుకూలత వ్యక్తం చేశారు.
- గ్లోబల్ సమ్మిట్కు ఆహ్వానం: డిసెంబర్ 7, 8, 9 తేదీల్లో హైదరాబాద్లో జరగనున్న 'తెలంగాణ రైజింగ్ గ్లోబల్ సమ్మిట్'కు ఆక్స్ఫర్డ్ ప్రతినిధి బృందాన్ని సీఎం అధికారికంగా ఆహ్వానించారు.
- చారిత్రక సందర్శన: అనంతరం సీఎం సోమర్విల్ కాలేజీని సందర్శించి, అక్కడ చదువుకున్న భారత మాజీ ప్రధాని దివంగత ఇందిరా గాంధీ చిత్రపటాన్ని తిలకించారు.
అపోహలు నమ్మవద్దు.. రోడ్డు ప్రమాదంపై ఎంపీ లింగమనేని రమేష్ కుమారుడు వివరణ