ఈ క్లిష్ట సమయంలో ఉపాధి హామీ పథకం కూలీలకు పెద్ద దిక్కుగా మారింది. ఈ నెల ప్రారంభం నుంచి ఇప్పటివరకు రాష్ట్రవ్యాప్తంగా సుమారు 29 లక్షలకు పైగా కూలీలు పనుల్లో పాల్గొన్నారు. సాధారణంగా జులై నెలలో వర్షాకాలం పనులు జోరుగా సాగుతుంటాయి. కానీ ఈసారి పరిస్థితి భిన్నంగా ఉండటంతో రోజువారీ కూలీల హాజరు భారీగా పెరిగింది. ఒక్క మంగళవారం రోజే రాష్ట్రవ్యాప్తంగా రెండు లక్షలకు పైగా కూలీలు పనులకు హాజరై సరికొత్త రికార్డు సృష్టించారు. గత పదేళ్లలో వానాకాలం సీజన్లలో ఎప్పుడూ లేనంతగా ఈ ఏడాది గణనీయమైన సంఖ్య నమోదైంది.

Read also: Metro Phase 2 Proposal: హైదరాబాద్​ మెట్రో రెండో దశపై మరో రెండు నెలల్లో కేంద్రం క్యాబినెట్​ ముందుకు

MGNREGS workers in Telangana

జిల్లాల వారీగా ఉపాధి పనుల్లో కూలీల హాజరు

రాష్ట్రంలోని పలు జిల్లాలలో ఉపాధి పనులకు వస్తున్న కూలీల సంఖ్య రోజురోజుకూ పెరుగుతోంది. ముఖ్యంగా నల్గొండ జిల్లాలో అత్యధికంగా లక్షా డెబ్బై వేలకు పైగా కూలీలు ఉపాధి పొందారు. ఆ తర్వాత నిజామాబాద్, సిద్దిపేట, మహబూబాబాద్, భద్రాద్రి కొత్తగూడెం, సూర్యాపేట, ఖమ్మం, జగిత్యాల, నాగర్‌కర్నూల్, కామారెడ్డి, వికారాబాద్, మహబూబ్‌నగర్, కరీంనగర్ జిల్లాలలో కూడా లక్ష మందికి పైగా కూలీలు పనులు చేస్తున్నారు. మిగిలిన జిల్లాలలో కూడా ఇదే ఒరవడి కొనసాగుతోంది. ఐఎండీ హెచ్చరికల ప్రకారం వచ్చే మార్చి వరకు ఇదే వాతావరణం ఉండే అవకాశం ఉంది. అందువల్ల రానున్న రోజుల్లో ఉపాధి పనులకు వచ్చే కూలీల సంఖ్య మరింత పెరిగే అవకాశం ఉందని ప్రభుత్వ అధికారులు అంచనా వేస్తున్నారు.

MGNREGS workers:గ్రామీణ ఉపాధి రక్షణకు ప్రభుత్వ చర్యలు

వర్షాభావం కారణంగా రాష్ట్రంలో సాగు, తాగునీటి సమస్యలు తలెత్తుతున్నాయి. రైతులు ప్రత్యామ్నాయ పంటల వైపు అడుగులు వేస్తున్నప్పటికీ ఉపాధి దొరకని పరిస్థితి ఏర్పడింది. ఈ ఇబ్బందికర సమయంలో గ్రామీణ పేదల ఆర్థిక భద్రత కోసం ఉపాధి హామీ పథకం ఎంతగానో ఉపయోగపడుతోంది. కూలీలకు ఎలాంటి పనిలేకుండా పోకుండా అధికారులు తగిన ఏర్పాట్లు చేస్తున్నారు. ప్రతి ఒక్క కూలీకి ఉపాధి కల్పించడమే లక్ష్యంగా యంత్రాంగం పనిచేస్తోంది. గ్రామాల్లో వలసలను నివారించడానికి ఈ పథకం ఎంతో దోహదపడుతోంది. ప్రభుత్వం అందిస్తున్న ఈ భరోసాతో కూలీల కుటుంబాలు ఆర్థికంగా నిలదొక్కుకుంటున్నాయి.

Epaper: epaper.vaartha.com

తెలంగాణలో మరో రెండు రోజులు భారీ వర్షాలు