1962లో గొప్ప తత్త్వవేత్త, విద్యావేత్త అయిన డాక్టర్ సర్వేపల్లి రాధాకృష్ణన్ భారత ద్వితీయ రాష్ట్రపతిగా బాధ్యతలు స్వీకరించారు. ఆ సమయంలో ఆయన విద్యార్థులు, ఆత్మీయులు, సన్నిహితులు ఆయన వద్దకు వచ్చి, సెప్టెంబర్ 5న ఆయన జన్మదినాన్ని ఒక వేడుకగా జరుపుకోవడానికి అనుమతి ఇవ్వాలని కోరారు. సమాజంలో ఉపాధ్యాయుడి పాత్ర ఎంతటి మహత్తరమైనదో బాగా తెలిసిన రాధాకృష్ణన్, ఆ అభ్యర్థనకు ఎంతో వినమ్రంగా స్పందించారు.

రాధాకృష్ణన్ కోరిక.. సమాజానికి సందేశం

తన పుట్టినరోజును కేవలం ఒక వ్యక్తిగత వేడుకగా జరుపుకోవడం కంటే, దేశంలోని ఉపాధ్యాయులందరి సేవలను గుర్తించేలా ‘టీచర్స్ డే’గా నిర్వహిస్తే తనకు ఎంతో గర్వకారణంగా ఉంటుందని ఆయన విద్యార్థులకు తెలిపారు. ఒక ఉన్నత పదవిలో ఉన్నప్పటికీ, తనను తాను ఎల్లప్పుడూ ఒక ఉపాధ్యాయుడిగానే భావించిన ఆయన నిరాడంబరతకు, ఉపాధ్యాయ వృత్తి పట్ల ఆయనకున్న అపారమైన గౌరవానికి ఈ నిర్ణయం అద్దం పడుతుంది. ఆయన ప్రతిపాదనను సమాజం ఎంతో సంతోషంగా స్వీకరించింది. దాంతో 1962 సెప్టెంబర్ 5 నుండి ప్రతి సంవత్సరం ఈ రోజును దేశవ్యాప్తంగా ఉపాధ్యాయ దినోత్సవంగా అధికారికంగా నిర్వహిస్తున్నారు.

లోన్ తీసుకున్నవారికి బిగ్ షాక్ ?