Tirumala Bhaskar Deputy EO: తిరుమల తిరుపతి దేవస్థానం (టీటీడీ) పాలనా విభాగంలో కీలక పరిణామం చోటుచేసుకుంది. తిరుమల శ్రీవారి ఆలయ కొత్త డిప్యూటీ ఈఓ (Deputy EO) గా భాస్కర్ను నియమిస్తూ టీటీడీ మంగళవారం అధికారిక ఉత్తర్వులు జారీ చేసింది.
ప్రస్తుతం ఆయన తిరుమల రిసెప్షన్-1 డిప్యూటీ ఈఓగా బాధ్యతలు నిర్వర్తిస్తున్నారు. ఆదాయానికి మించిన ఆస్తుల కేసులో ఉన్నతాధికారి ఏసీబీకి దొరకడం, ఆ వెంటనే నూతన అధికారికి బాధ్యతలు అప్పగించడంతో తిరుమల వర్గాల్లో ఈ నియామకం ప్రాధాన్యత సంతరించుకుంది.
Read Also :Krishnashtami 2026: కృష్ణాష్టమి పూజ అర్ధరాత్రే ఎందుకు చేయాలి?
Tirumala Bhaskar Deputy EO : వివాదం నేపథ్యం & కేసు వివరాలు
- ఏసీబీకి చిక్కిన లోకనాథం: శ్రీవారి ఆలయ డిప్యూటీ ఈఓగా పనిచేస్తున్న లోకనాథంపై ఆదాయానికి మించిన ఆస్తుల కలిగి ఉన్నారనే ఆరోపణలతో అవినీతి నిరోధక శాఖ (ACB) అధికారులు దాడులు నిర్వహించి ఆయనను అరెస్టు చేసిన సంగతి తెలిసిందే.
- 14 రోజుల రిమాండ్: అరెస్ట్ అనంతరం కోర్టులో హాజరుపరచగా, న్యాయస్థానం లోకనాథంకు 14 రోజుల జ్యుడీషియల్ రిమాండ్ విధించింది.
- అదనపు బాధ్యతలు: శ్రీవారి ఆలయ నిత్య కైంకర్యాలు, భక్తుల సేవలు, ఆలయ పాలనా వ్యవహారాలకు ఎలాంటి అంతరాయం కలగకుండా చూసేందుకు టీటీడీ ఈఓ వెంటనే స్పందించి, అనుభవజ్ఞుడైన భాస్కర్ను ఆలయ డిప్యూటీ ఈఓగా నియమించారు.