ఈ విశేష సేవను దర్శించుకునేందుకు భారీ సంఖ్యలో భక్తులు తరలివచ్చే అవకాశం ఉండటంతో టీటీడీ అధికారులు అప్రమత్తమయ్యారు. భక్తులకు ఎలాంటి ఇబ్బందులు కలగకుండా దర్శనం, భద్రత, రద్దీ నియంత్రణతో పాటు ఇతర సౌకర్యాల కల్పనపై ప్రత్యేక దృష్టి సారించారు.

శ్రీవారి గరుడ వాహనసేవను దర్శించుకునేందుకు దేశంలోని వివిధ ప్రాంతాల నుంచి భక్తులు పెద్ద సంఖ్యలో తిరుమలకు చేరుకుంటున్నారు. ఈ నేపథ్యంలో భక్తులకు ఎలాంటి అసౌకర్యం కలగకుండా టీటీడీ అధికారులు ఏర్పాట్లను పర్యవేక్షిస్తున్నారు. నాలుగు మాడ వీధుల్లో ప్రత్యేక క్యూలైన్లు, గ్యాలరీలు ఏర్పాటు చేయడంతో పాటు భక్తుల రాకపోకలకు అనుగుణంగా ప్రవేశ, నిష్క్రమణ మార్గాలను నిర్వహిస్తున్నారు. ముఖ్యంగా వృద్ధులు, మహిళలు, చిన్నారులకు ఇబ్బందులు కలగకుండా భద్రతాపరమైన చర్యలు చేపట్టారు.

Tirumala Garuda Seva: శ్రీవారి గరుడ సేవ.. తిరుమల ఘాట్ రోడ్‌లో బైక్‌లకు నో ఎంట్రీ

Elaborate arrangements for the Garuda Vahana Seva in Tirumala; special facilities for devotees

Garuda Vahana Seva: భద్రత, ట్రాఫిక్ నియంత్రణ

భక్తుల రద్దీని క్రమబద్ధీకరించేందుకు పోలీసు శాఖతో సమన్వయంతో పటిష్టమైన భద్రతా చర్యలు చేపట్టారు.

• నిరంతర సీసీ కెమెరాల నిఘా ఏర్పాటు చేశారు.
• అత్యవసర పరిస్థితుల్లో వేగంగా స్పందించేందుకు ప్రత్యేక బృందాలను సిద్ధంగా ఉంచారు.
• గరుడసేవ నేపథ్యంలో ఘాట్ రోడ్లపై ద్విచక్ర వాహనాల రాకపోకలపై తాత్కాలిక ఆంక్షలు అమల్లో ఉన్నాయి.
• తిరుపతిలో ప్రత్యేక పార్కింగ్ ప్రాంతాలను ఏర్పాటు చేసి, భక్తుల రవాణా కోసం ఆర్టీసీ బస్సుల ద్వారా ప్రత్యేక ఏర్పాట్లు చేశారు.

గరుడసేవకు విచ్చేసే భక్తుల సౌకర్యార్థం తాగునీరు, అన్నప్రసాదం, మజ్జిగ పంపిణీ నిరంతరం కొనసాగేలా చర్యలు తీసుకున్నారు. అలాగే పారిశుద్ధ్య నిర్వహణకు అత్యధిక ప్రాధాన్యం ఇస్తూ, అత్యవసర వైద్య సేవలు కూడా అందుబాటులో ఉంచారు.

అధికారుల క్షేత్రస్థాయి పరిశీలన

తిరుపతి జిల్లా ఎస్పీ ఎల్. సుబ్బారాయుడు, టీటీడీ సీవీఎస్వో కేవీ మురళీకృష్ణ స్వయంగా నాలుగు మాడవీధులు, భక్తుల గ్యాలరీలు, పార్కింగ్ ప్రాంతాలు, ప్రవేశ, నిష్క్రమణ మార్గాలను పరిశీలించి భద్రతా ఏర్పాట్లను పర్యవేక్షించారు. శ్రీవారి బ్రహ్మోత్సవాల్లో అత్యంత ప్రధానమైన గరుడసేవను భక్తులు ఎలాంటి అసౌకర్యానికి గురికాకుండా సంతృప్తికరంగా దర్శించుకునేలా టీటీడీ, పోలీసు, విజిలెన్స్ విభాగాలు సమన్వయంతో పనిచేస్తున్నాయి. భక్తులు అధికారుల సూచనలు పాటిస్తూ ప్రశాంతంగా స్వామివారి గరుడసేవను దర్శించుకోవాలని టీటీడీ విజ్ఞప్తి చేస్తోంది.

Epaper: epaper.vaartha.com

సరస్వతీ దేవి అలంకారంలో దుర్గమ్మ.. ఇంద్రకీలాద్రిపై భక్తుల సందడి