దేశంలో తొలి హైడ్రోజన్ రైలు ఎట్టకేలకు ప్రారంభమైంది. ప్రధాని మోదీ తన చేతుల మీదుగా పచ్చజెండా ఊపి ట్రైన్ ప్రారంభించారు. జూలై 17న ఉదయం 11 గంటల సమయంలో హర్యానాలోని జింద్-సోనిపత్ మార్గంలో భారతదేశపు మొట్టమొదటి హైడ్రోజన్ ఆధారిత రైలును జెండా ఊపి ప్రారంభించారు.

ఈ హైడ్రోజన్ రైలు సాధారణ ప్రయాణికులకు అత్యంత తక్కువ ఖర్చుతో కూడిన ప్రయాణ అవకాశాన్ని కల్పించనుంది. ఈ రైలులో కనీస ప్రయాణ ఛార్జీ కేవలం రూ. 5 నుండి ప్రారంభమై, గరిష్టంగా రూ. 25 వరకు మాత్రమే ఉంటుంది. అనేక రైల్వే స్టేషన్లలో లభించే ప్లాట్‌ఫారమ్ టిక్కెట్ ఛార్జీ కంటే ఈ రైలు ప్రారంభ ఛార్జీ తక్కువగా ఉండటం విశేషం. మధ్యతరగతి, సామాన్య ప్రజలకు ఈ టికెట్ ధరలు ఎంతో ఊరటనివ్వనున్నాయి.

Read Also: Instagram, Facebook : మెటా సరికొత్త భద్రతా ఫీచర్ - పిల్లల మానసిక స్థితిపై తల్లిదండ్రులకు అలర్ట్!

Modi launches the first hydrogen train!

India First Hydrogen Train: జింద్ – సోనిపత్ మార్గంలో ప్రయాణం.. 11 స్టాపింగ్‌లు

ఈ సరికొత్త రైలు హర్యానాలోని జింద్ – సోనిపత్ మార్గంలో ప్రయాణించనుంది. ఈ రెండు స్టేషన్ల మధ్య ఉన్న దాదాపు 90 కిలోమీటర్ల దూరాన్ని కేవలం రెండు గంటల్లోనే పూర్తి చేస్తుంది. మొత్తం 10 కోచ్‌లతో (బోగీలతో) రూపొందించబడిన ఈ రైలు, మార్గమధ్యంలో 11 చోట్ల ఆగుతుంది. రోజుకు సుమారు 2,600 మంది ప్రయాణికులను ఇది సురక్షితంగా గమ్యస్థానాలకు చేర్చగలదు.

స్వదేశీ సాంకేతికత.. శూన్య ఉద్గారాలు

ఈ రైలును పూర్తిగా స్వదేశీ హైడ్రోజన్ ఫ్యూయల్ సెల్ టెక్నాలజీని ఉపయోగించి అభివృద్ధి చేశారు. ఇది సాంప్రదాయ ఓవర్‌హెడ్ విద్యుత్ తీగలు (Overhead Lines) లేకుండానే నడుస్తుంది. కార్బన్ ఉద్గారాలను భారీగా విడుదల చేసే డీజిల్ రైళ్లలా కాకుండా, ఈ హైడ్రోజన్ రైలు కేవలం ‘నీటి ఆవిరిని’ మాత్రమే పర్యావరణంలోకి విడుదల చేస్తుంది. దీనివల్ల పర్యావరణానికి ఎలాంటి హాని కలగదు. ఈ రైలును నడపడానికి అవసరమైన గ్రీన్ హైడ్రోజన్‌ను జింద్‌లో ఏర్పాటు చేసిన ప్రత్యేక ప్లాంట్ నుండి సరఫరా చేయనున్నారు. ప్రయాణికుల రక్షణ కోసం ఈ ప్రాజెక్ట్‌లో అధునాతన భద్రతా ఫీచర్లను కూడా ఏర్పాటు చేశారు.

Epaper: epaper.vaartha.com

భారత రైల్వేలో హైడ్రోజన్ యుగానికి శ్రీకారం..ఏమిటి దీని ప్రత్యేకత?