ట్రంప్-జిన్‌పింగ్ చారిత్రక భేటీ: తైవాన్ వాణిజ్యం, రాజకీయాలపై ఉత్కంఠ

అమెరికా అధ్యక్షుడు డొనాల్డ్ ట్రంప్ బీజింగ్ పర్యటన ఖరారైన నేపథ్యంలో, ప్రపంచం దృష్టి మొత్తం ఈ ఇద్దరు అగ్రనేతల సమావేశంపైనే ఉంది. ఈ పర్యటనకు సంబంధించి అమెరికా సీనియర్ అధికారులు వెల్లడించిన కీలక వివరాలు ఇలా ఉన్నాయి.

తైవాన్ విషయంలో అమెరికా తన పాత విధానానికే కట్టుబడి ఉందని అధికారులు స్పష్టం చేశారు. ట్రంప్ ప్రభుత్వ హయాంలో తైవాన్‌కు ఆయుధాల విక్రయం రికార్డు స్థాయిలో పెరిగింది. తైవాన్ ప్రభుత్వం రక్షణ కోసం 780 బిలియన్ తైవాన్ డాలర్ల బడ్జెట్‌ను కేటాయించినప్పటికీ, కొన్ని కీలక రక్షణ పరికరాలకు నిధులు తగ్గించడంపై అమెరికా అసంతృప్తి వ్యక్తం చేసింది. తైవాన్ జలసంధిలో శాంతిని కోరుతూ అమెరికా సెనేట్‌లో ఉభయ పక్షాలు (డెమోక్రాట్లు, రిపబ్లికన్లు) కలిసి తీర్మానం ప్రవేశపెట్టడం విశేషం.

Trump Jinping Meet :

Trump Jinping Meet: ‘ఎకనామిక్ ఫ్యూరీ’: ఇరాన్‌పై ఆర్థిక ఉక్కుపాదం

ట్రంప్ ప్రభుత్వం ఇరాన్‌ను ఆర్థికంగా దెబ్బతీయడమే లక్ష్యంగా పెట్టుకుంది. ఇరాన్ చమురు ఆదాయాన్ని కరెన్సీ మార్పిడి ద్వారా సైనిక కార్యకలాపాలకు మళ్లిస్తున్న మూడు సంస్థలపై అమెరికా ఆంక్షలు విధించింది. ఇరాన్ నుంచి చైనాకు వెళ్లే విడిభాగాలు మరియు చైనా యువాన్ రూపంలో జరుగుతున్న లావాదేవీల పట్ల అమెరికా ఆందోళన వ్యక్తం చేస్తోంది. ఈ అంశం జిన్‌పింగ్ భేటీలో ప్రధానంగా చర్చకు రానుంది. ట్రంప్ పర్యటనలో ప్రధాన అజెండా ఆర్థిక భద్రత. కొత్త బోర్డుల ఏర్పాటు: వాణిజ్యం మరియు పెట్టుబడుల కోసం ‘యూఎస్-చైనా బోర్డ్ ఆఫ్ ట్రేడ్’ వంటి ప్రత్యేక వ్యవస్థలను ఏర్పాటు చేయాలని అమెరికా భావిస్తోంది. వ్యవసాయం, ఏరోస్పేస్ (విమానాలు), ఇంధన రంగాల్లో బిలియన్ డాలర్ల విలువైన కొత్త ఒప్పందాలు కుదిరే అవకాశం ఉంది. బుధవారం: ట్రంప్ బీజింగ్ చేరుకుంటారు. షీ జిన్‌పింగ్‌తో ద్వైపాక్షిక చర్చలు, అనంతరం ‘టెంపుల్ ఆఫ్ హెవెన్’ సందర్శన మరియు అధికారిక విందు. వర్కింగ్ లంచ్ తర్వాత అమెరికాకు తిరుగు ప్రయాణం.