తన సొంత సోషల్ మీడియా ప్లాట్‌ఫారమ్ 'ట్రూత్ సోషల్' (Truth Social) లో ప్రచురించే ప్రభుత్వ విధానపరమైన నిర్ణయాలను ముందుగానే యాక్సెస్ చేసుకునేందుకు భారీగా చార్జ్ చేస్తున్న 'పెయిడ్ సర్వీస్'ను నిలిపివేయాలని కోరుతూ కోర్టులో కేసు నమోదైంది. ట్రంప్ మీడియా అండ్ టెక్నాలజీ గ్రూప్ (TMTG) 'ట్రూత్ ఏపీఐ' (Truth API) పేరుతో ఒక ప్రత్యేక సబ్‌స్క్రిప్షన్ మోడల్‌ను ప్రవేశపెట్టింది. దీని ప్రకారం:వాల్‌స్ట్రీట్‌కు చెందిన పెద్ద పెద్ద ట్రేడింగ్ సంస్థలు, కార్పొరేట్ దిగ్గజాలు నెలకు 1,00,000 డాలర్లు (సుమారు ₹83 లక్షలు పైమాటే) చెల్లించి ఈ సబ్‌స్క్రిప్షన్ పొందుతున్నారు.సబ్‌స్క్రైబర్లు అధ్యక్షుడు ట్రంప్ చేసే పోస్టులను, యుద్ధాలు, వాణిజ్య సుంకాలు (Tariffs), కీలక నిర్ణయాలకు సంబంధించిన సమాచారాన్ని సాధారణ ప్రజల కంటే ఆరు గంటల ముందే పొందుతున్నారు.ఈ ముందస్తు సమాచారాన్ని ఉపయోగించి ట్రేడర్లు స్టాక్ మార్కెట్లలో భారీ లాభాలు గడిస్తున్నారని పిటిషనర్లు తీవ్రంగా ఆరోపిస్తున్నారు.

Read Also: North Korea Fires Missile : అమెరికా-దక్షిణ కొరియా విన్యాసాలకు ముందు ఉత్తర కొరియా క్షిపణి ప్రయోగం

Trump Sued Over Truth Social

Trump Sued Over Truth Social : రాజ్యాంగ విరుద్ధమని పిటిషనర్ల వాదన

ఈ దావాను 'ది ఇంటర్‌సెప్ట్' (The Intercept) వార్తా సంస్థ మరియు 'ఫ్రీడమ్ ఆఫ్ ది ప్రెస్ ఫౌండేషన్' (Freedom of the Press Foundation) సంయుక్తంగా దాఖలు చేశాయి. పిటిషన్‌లో పేర్కొన్న వివరాల ప్రకారం:

1. అధ్యక్షుడు తీసుకునే యుద్ధ, వాణిజ్య విధాన నిర్ణయాలు నేరుగా గ్లోబల్ మార్కెట్లను ప్రభావితం చేస్తాయి.
2. అధికారిక సమాచారాన్ని ప్రైవేట్ కంపెనీ ద్వారా అమ్ముకోవడం అమెరికా రాజ్యాంగంలోని మొదటి సవరణ (First Amendment) మరియు ఐదో సవరణ (Fifth Amendment) నిబంధనలను నేరుగా ఉల్లంఘించడమే.
3. కేసులో అధ్యక్షుడు డొనాల్డ్ ట్రంప్‌తో పాటు ఆయన డిప్యూటీ చీఫ్ ఆఫ్ స్టాఫ్ డేనియల్ స్కవినో, ఎగ్జిక్యూటివ్ అసిస్టెంట్ నతాలీ జె. హార్ప్‌లను ప్రతివాదులుగా చేర్చారు. 'ట్రూత్ ఏపీఐ' సేవలను తక్షణమే పూర్తిగా రద్దు చేయాలని వారు కోర్టును అభ్యర్థించారు.

ఈ పిటిషన్ పై ట్రంప్ మీడియా ప్రతినిధులు స్పందిస్తూ ఈ ఆరోపణలను తీవ్రంగా ఖండించారు. కార్పొరేట్ రంగానికి సమాచారాన్ని వేగంగా అందించడానికి ఏపీఐ సేవలు వాడటం పరిశ్రమలో సాధారణ ప్రక్రియేనని పేర్కొన్నారు. వామపక్ష భావజాలం ఉన్న కార్యకర్తలు కోర్టులను వేదికగా చేసుకుని అధ్యక్షుడి గొంతు నొక్కేందుకు, తమ కంపెనీ షేర్‌హోల్డర్లకు నష్టం కలిగించేందుకు కుట్ర పన్నుతున్నారని ఆరోపించారు.

ఆర్థిక నష్టాల్లో ట్రంప్ మీడియా & క్రిప్టో వివాదాలు

ట్రంప్ మీడియా ఆర్థిక పరిస్థితిపై కూడా ఆందోళనలు వ్యక్తమవుతున్నాయి. రెండేళ్ల క్రితం పబ్లిక్ కంపెనీగా మార్కెట్‌లోకి వచ్చిన సమయంలో ఈ షేరు ధర $62 కంటే ఎక్కువగా ఉండగా, ప్రస్తుతం $10 కంటే దిగువకు పడిపోయింది. నష్టాలను భర్తీ చేసుకునేందుకే ఈ కొత్త ఆదాయ మార్గాలను ఎంచుకున్నట్లు విశ్లేషకులు భావిస్తున్నారు. దీనికి తోడు, ట్రంప్ కుటుంబానికి చెందిన 'వరల్డ్ లిబర్టీ ఫైనాన్షియల్' అనే క్రిప్టో సంస్థకు యునైటెడ్ అరబ్ ఎమిరేట్స్ (UAE) ప్రభుత్వ అనుబంధ సంస్థ నుండి భారీ పెట్టుబడులు రావడం, అలాగే ఆయన పేరుతో ప్రత్యేక మీమ్ కాయిన్లను విక్రయించడంపై కూడా తీవ్ర స్థాయిలో విమర్శలు వ్యక్తమవుతున్నాయి.

జింబాబ్వే కరీబా సరస్సులో పడవ ప్రమాదం.. 15 మంది మృతి