ప్రభుత్వాలు సంక్షేమం పేరుతో ఇస్తున్న ఉచితాల వల్ల ఖజానాపై పడుతున్న భారాన్ని కోర్టు తీవ్రంగా తప్పుబట్టింది. పన్నుల చెల్లింపు ద్వారా ప్రభుత్వానికి వచ్చే ఆదాయాన్ని ఇలాంటి ఉచిత పథకాలకు మళ్లించడం సరైన పద్ధతి కాదని తేల్చిచెప్పింది. ప్రభుత్వ ఆర్థిక విధానాలలో తాము జోక్యం చేసుకోలేమని స్పష్టం చేస్తూనే, ప్రస్తుత ధోరణి పట్ల తీవ్ర ఆందోళన వ్యక్తం చేసింది.

Read also: Marri Janardhan Reddy: బీఆర్ఎస్ నేత మర్రి జనార్దన్ రెడ్డిపై కేసు నమోదు

High Court’s remarks on freebie schemes

పెండింగ్ బెనిఫిట్లపై న్యాయస్థానం ఆగ్రహం

పదవీ విరమణ పొందిన ప్రభుత్వ ఉద్యోగులకు రావాల్సిన పింఛన్లు మరియు ఇతర రిటైర్మెంట్ బెనిఫిట్లు కూడా సమయానికి అందడం లేదని కోర్టు తెలిపింది. ఈ విషయమై అనేక మంది ఉద్యోగులు పింఛన్లు అందక న్యాయస్థానాలను ఆశ్రయిస్తున్నారని ఆవేదన వ్యక్తం చేసింది. మరోవైపు సంక్షేమ పథకాల అమలు కోసం పెద్దఎత్తున అప్పులు చేయాల్సి వస్తోందని అధికారులే చెబుతున్నారని గుర్తుచేసింది. ఆర్టీసీ వంటి ప్రభుత్వ రంగ సంస్థలను లాభాలబాట పట్టించి, ఆ సంపాదనను సంక్షేమ కార్యక్రమాలకు వినియోగించడం మెరుగైన మార్గమని సూచించింది.

TG Free Schemes:సమగ్ర వివరాలతో కౌంటర్ దాఖలు చేయాలని ఆదేశం

కల్యాణ లక్ష్మి మరియు షాదీ ముబారక్ పథకాల చట్టబద్ధతను సవాల్ చేస్తూ దాఖలైన పిటిషన్ పై విచారణ సందర్భంగా ప్రభుత్వంపై హైకోర్టు ఆగ్రహం వ్యక్తం చేసింది. ప్రభుత్వం తరఫున దాఖలైన అఫిడవిట్ లో ఎలాంటి సమగ్ర వివరాలు లేవని తేల్చిచెప్పింది. సంబంధం లేని ఆర్టికల్ ను అఫిడవిట్ లో ఎందుకు ప్రస్తావించాల్సి వచ్చిందని ప్రశ్నించింది. ప్రభుత్వ వైఖరిపై అసంతృప్తి వ్యక్తం చేసిన న్యాయస్థానం, లోపాలను సరిదిద్ది పూర్తి వివరాలతో సమగ్రమైన కౌంటర్ దాఖలు చేయాలని ఆదేశిస్తూ విచారణను సోమవారానికి వాయిదా వేసింది.

Epaper: epaper.vaartha.com

అంగన్‌వాడీ పిల్లలకు ఎగ్ ఫ్రైడ్ రైస్ మెనూ