2024 చివర్లో ఉన్నత చదువుల కోసం విదేశాలకు వెళ్లిన సాయిప్రదీప్, అక్కడ ప్రఖ్యాత అండర్సన్ యూనివర్సిటీ ఆఫ్ బిజినెస్ నుంచి ఇటీవలే విజయవంతంగా తన మాస్టర్స్ డిగ్రీ (MS) పూర్తి చేశాడు. చదువు పూర్తయిన తర్వాత ఉద్యోగం సాధించి స్థిరపడాలనే లక్ష్యంతో టెక్సాస్ రాష్ట్రంలోని శాన్ ఆంటోనియో నగరంలో నివాసం ఉంటూ తీవ్రంగా శ్రమించాడు.

ఎంఎస్ పూర్తి కాగానే సాయిప్రదీప్ ఎన్నో కంపెనీలకు దరఖాస్తు చేసుకుంటూ ఇంటర్వ్యూలలో పాల్గొన్నాడు. అయితే, ప్రస్తుతం అంతర్జాతీయ మార్కెట్‌లో నెలకొన్న ఆర్థిక అనిశ్చితి, ఐటీ సమాన రంగాల్లో నియామకాల మందగమనం అతడి ఆశలపై నీళ్లు చల్లింది. రోజులు గడుస్తున్నా ఆశించిన రీతిలో సరైన ఉద్యోగ అవకాశం లభించకపోవడం అతడిని తీవ్ర నిరాశకు గురిచేసింది. ఈ డిప్రెషన్తో ఆగస్టు 21న ఆత్మహత్య చేసుకున్నట్లు తెలుస్తోంది. అతని మృతదేహాన్ని భారతదేశానికి రప్పించడానికి అంత్యక్రియల ఖర్చులను భరించడానికి అతని కుటుంబం నిధుల సేకరణను ప్రారంభించింది. దీనికి సంబంధించిన మరిన్ని వివరాలు తెలియాల్సి ఉంది.

Read Also : Delhi ITO Road Accident: ఢిల్లీలో ఘోర ప్రమాదం.. ఇద్దరు ఎమ్మెల్యేలతో సహా ఆరుగురికి గాయాలు

Hyderabad native commits suicide in the US amid intense job-hunting stress.

Hyderabad Student Dies in US: అప్పుల భారం, వీసా నిబంధనలు - పెరిగిన మానసిక కుంగుబాటు

అమెరికా చదువు కోసం చేసిన భారీ రుణాలు, రోజువారీ జీవన ఖర్చులు ఒకవైపు భారం కాగా.. మరోవైపు నిర్ణీత సమయంలో ఉద్యోగం తెచ్చుకోవాల్సిన వీసా నిబంధనలు అతడిని తీవ్ర సందిగ్ధంలోకి నెట్టాయి. ఆర్థిక ఇబ్బందులు రోజురోజుకూ తీవ్రమవ్వడం, మానసిక ఒత్తిడి తట్టుకోలేకపోవడంతో అతడు కన్నుమూసినట్లు లింక్డ్‌ఇన్ సహా పలు సామాజిక మాధ్యమాల ద్వారా వెలుగులోకి వచ్చింది. అయితే, ఆయన మృతికి గల కచ్చితమైన వివరాలను స్థానిక అమెరికా పోలీసులు ఇంకా అధికారికంగా వెల్లడించాల్సి ఉంది.

కంటికి రెప్పలా పెంచి, ఉన్నత చదువుల కోసం పంపిన కుమారుడు విదేశీ గడ్డపై విగతజీవిగా మారాడన్న వార్త వినగానే హైదరాబాద్‌లోని సాయిప్రదీప్ తల్లిదండ్రులు, కుటుంబ సభ్యులు కన్నీరుమున్నీరుగా రోదిస్తున్నారు. కష్టపడి చదివించిన కుమారుడు తమకు ఆసరాగా ఉంటాడనుకుంటే, ఇలా మధ్యలోనే అనంత లోకాలకు వెళ్లిపోయాడంటూ ఆవేదన వ్యక్తం చేస్తున్నారు.

బంగ్లాదేశ్లో హిందూ కుటుంబం దారుణ హత్య?