ప్రఖ్యాత వ్యాపారవేత్త, దాతృత్వవేత్త అయిన బిల్ గేట్స్ Bill Gates ఫిబ్రవరి 16న ఉదయం 10 గంటలకు ఆంధ్రప్రదేశ్‌కు రానున్నారు. ఈ పర్యటనకు రాష్ట్ర ప్రభుత్వం ప్రత్యేక ప్రాధాన్యం ఇచ్చింది.

ఆధునిక సాంకేతికత వినియోగంపై ప్రభుత్వం చేపడుతున్న కార్యక్రమాలను ఆయనకు వివరించనున్నారు. ముఖ్యంగా పరిపాలన, వ్యవసాయం రంగాల్లో టెక్నాలజీ వినియోగం ప్రధాన అంశంగా ఉంటుంది. ఈ పర్యటన రాష్ట్ర అభివృద్ధికి కీలకంగా భావిస్తున్నారు.

Read also: Paritala Sriram: కోవా బన్ వ్యాపారికి మద్దతు.. యూట్యూబర్‌పై విమర్శలు

Bill Gates' visit to AP tomorrow.

RTGS కేంద్రం, సంజీవని ప్రాజెక్టుపై సమీక్ష

పర్యటనలో భాగంగా బిల్ గేట్స్ రాష్ట్ర RTGS కేంద్రాన్ని పరిశీలించనున్నారు. డేటా ఆధారిత పరిపాలన ఎలా జరుగుతుందో అధికారుల నుంచి వివరాలు తెలుసుకోనున్నారు. అనంతరం ఉండవల్లి వ్యవసాయ క్షేత్రంలో అమలు చేస్తున్న 'సంజీవని' ప్రాజెక్టును పరిశీలిస్తారు. ఈ ప్రాజెక్టులో టెక్నాలజీ ఆధారిత సాగు విధానాలు, డిజిటల్ మానిటరింగ్ వ్యవస్థలను ప్రభుత్వం వివరిస్తుంది. రైతుల ఆదాయం పెంపు, దిగుబడి మెరుగుదల లక్ష్యంగా చేపట్టిన చర్యలను ఆయనకు చూపించనున్నారు.

ఉన్నత స్థాయి సమావేశం, భాగస్వామ్యంపై చర్చ

ఈ సందర్బంగా మంత్రులు, అన్ని శాఖల కార్యదర్శులతో ప్రత్యేక సమావేశం నిర్వహించనున్నారు. గేట్స్ ఫౌండేషన్‌తో భాగస్వామ్య అవకాశాలపై సమగ్ర సమీక్ష జరగనుంది. ఆరోగ్యం, విద్య, వ్యవసాయం రంగాల్లో సహకారంపై చర్చలు జరుగుతాయి. సమావేశానికి హాజరుకావాలని ముఖ్య కార్యదర్శి (CS) ఇప్పటికే అధికారులకు ఆదేశాలు జారీ చేశారు. ఈ పర్యటనతో రాష్ట్రానికి అంతర్జాతీయ స్థాయిలో మరింత గుర్తింపు లభించే అవకాశం ఉంది.