వాహనాల ధరలు మళ్లీ పెరుగుతాయా?

Car Price Hike: ఇప్పటికే నిర్వహణ ఖర్చులు భారమై వాహనాల ధరలు పెరుగుతుండగా, సామాన్యుడిపై మరో భారం పడబోతోంది. అంతర్జాతీయంగా నెలకొన్న యుద్ధ వాతావరణం కారణంగా ఉత్పత్తి వ్యయం పెరిగి, వాహనాల ధరలను మరింత పెంచాల్సి రావచ్చని భారత వాహన తయారీదారుల సమాఖ్య (SIAM) అధ్యక్షుడు శైలేశ్ చంద్ర వెల్లడించారు.

Car Price Hike: Will vehicle prices increase again?

ధరల పెంపునకు ప్రధాన కారణాలు

ప్రస్తుతం కొనసాగుతున్న యుద్ధం వల్ల సరఫరా గొలుసు (Supply Chain) దెబ్బతినడంతో పాటు ముడి సరుకుల ధరలు విపరీతంగా పెరుగుతున్నాయి. దీనివల్ల ఆటోమొబైల్ కంపెనీలకు ఉత్పత్తి వ్యయం భారంగా మారుతోంది. ఇప్పటికే పలు కంపెనీలు ధరలను పెంచినప్పటికీ, ముడి సరుకుల ధరలు ఇలాగే కొనసాగితే మరో విడత ధరల పెంపు తప్పకపోవచ్చని ఆయన అభిప్రాయపడ్డారు.

Car Price Hike: నెల రోజుల్లో స్పష్టత

కమోడిటీ (ముడి సరుకుల) ధరల పెరుగుదలపై రాబోయే 4-5 వారాల్లో పూర్తిస్థాయిలో స్పష్టత వస్తుందని శైలేశ్ చంద్ర తెలిపారు. ఆ తర్వాతే కంపెనీలు ఎంత మేరకు ధరలను పెంచాలనే దానిపై తుది నిర్ణయం తీసుకుంటాయని ఆయన వెల్లడించారు. ఈ నిర్ణయం వల్ల మధ్యతరగతి ప్రజలపై, ముఖ్యంగా కొత్త వాహనాలు కొనుగోలు చేయాలనుకునే వారిపై అదనపు భారం పడే అవకాశం ఉంది.