వెస్టిండీస్‌తో జరిగిన ఐదు వన్డేల సిరీస్‌లో ఏకంగా 14 వికెట్లు పడగొట్టి, కివీస్ జట్టు 3-2 తేడాతో సిరీస్ కైవసం చేసుకోవడంలో కీలక పాత్ర పోషించాడు. కేవలం తన మూడో ద్వైపాక్షిక సిరీస్‌లోనే ఈ అద్భుత ప్రదర్శనకు గాను లెనాక్స్ ‘ప్లేయర్ ఆఫ్ ది సిరీస్’ అవార్డును దక్కించుకోవడం విశేషం.

Read Also :David Warner Drunken Driving Case: డ్రంక్ అండ్ డ్రైవ్ కేసులో ఆసీస్ స్టార్ డేవిడ్ వార్నర్

వార్న్, కుంబ్లే రికార్డులు బ్రేక్ – అమిత్ మిశ్రా టాప్

ఒక ద్వైపాక్షిక (Bilateral) వన్డే సిరీస్‌లో అత్యధిక వికెట్లు తీసిన స్పిన్నర్ల జాబితాలో శ్రీలంక స్పిన్నర్ అఖిల ధనంజయ సరసన లెనాక్స్ 10వ స్థానంలో నిలిచాడు. అంతేకాకుండా స్పిన్ దిగ్గజాలైన షేన్ వార్న్, అనిల్ కుంబ్లే, షాహిద్ అఫ్రిది లాంటి వారు ఒక సిరీస్‌లో సాధించిన అత్యుత్తమ ప్రదర్శనను (13 వికెట్లు) లెనాక్స్ అధిగమించాడు.

ఒక ద్వైపాక్షిక వన్డే సిరీస్‌లో అత్యధిక వికెట్లు తీసిన స్పిన్నర్లు

• అమిత్ మిశ్రా (భారత్): 18 వికెట్లు
• కుల్దీప్ యాదవ్ (భారత్): 17 వికెట్లు
• రషీద్ ఖాన్ (అఫ్గానిస్తాన్) / యుజ్వేంద్ర చాహల్ (భారత్): 16 వికెట్లు
• జేడెన్ లెనాక్స్ (న్యూజిలాండ్) / అఖిల ధనంజయ (శ్రీలంక): 14 వికెట్లు

జేడెన్ లెనాక్స్ స్పందన: “కరేబియన్‌లోని స్పిన్‌కు అనుకూలించే పిచ్‌లపై ఆడటం గొప్ప అనుభవాన్నిచ్చింది. సీనియర్ స్పిన్నర్ మిచ్ సాంట్నర్ నుంచి బౌలింగ్‌లోని మెళకువలను నేర్చుకున్నాను, ఆయన అనుభవం నాకు ఎంతగానో ఉపయోగపడింది.”

Jayden Lennox: ఆఖరి వన్డేలో విండీస్ ఊరట విజయం

సిరీస్‌ను న్యూజిలాండ్ 3-2తో గెలుచుకున్నప్పటికీ, బార్బడోస్‌లో జరిగిన ఐదో మరియు చివరి వన్డేలో వెస్టిండీస్ 2 వికెట్ల తేడాతో విజయం సాధించి ఊరట పొందింది. న్యూజిలాండ్ నిర్దేశించిన 269 పరుగుల లక్ష్యాన్ని విండీస్ మరో 15 బంతులు మిగిలి ఉండగానే ఛేదించింది. షిమ్రాన్ హెట్‌మైర్ (69 నాటౌట్), షెర్ఫేన్ రూథర్‌ఫోర్డ్ (61) కీలక ఇన్నింగ్స్‌లతో జట్టును గెలిపించారు. ఆఖర్లో వికెట్లు కోల్పోయినా హెట్‌మైర్ క్రీజులో నిలబడి జట్టును విజయతీరాలకు చేర్చాడు.

ఐసీసీ వన్డే వరల్డ్ కప్ 2027 ఫార్మాట్‌పై కొత్త జట్ల అసంతృప్తి