Vaibhav Suryavanshi: ఐపీఎల్‌లో కొత్త ప్రతిభను వెలికితీయడంలో రాజస్థాన్ రాయల్స్ ఎప్పుడూ ముందుంటుంది. తాజాగా వైభవ్ సూర్యవంశీ రాజస్థాన్ రాయల్స్ ప్రయాణం ఇప్పుడు క్రికెట్ ప్రపంచంలో చర్చనీయాంశమైంది.

ఈ యువ క్రికెటర్ ప్రతిభను గుర్తించిన ఆర్ఆర్ స్కౌట్ సమర్ ఖాద్రీ, అతనిని జట్టులోకి చేర్చుకునేందుకు మార్గం సుగమం చేశాడు. చిన్న వయసులోనే తన అద్భుత ఆటతీరుతో అందరి దృష్టిని ఆకర్షించిన వైభవ్, ఇప్పుడు అత్యుత్తమ టాలెంట్‌గా గుర్తింపు పొందాడు.

Read also: RR vs SRH: వైభవ్ సూర్యవంశీని అభినందించిన కావ్య మారన్.. వైరల్ వీడియో!

Vaibhav Suryavanshi Rajasthan Royals entry

తొలి బంతికే సిక్సర్ తో ఆశ్చర్యం

రాజస్థాన్ రాయల్స్ స్కౌటింగ్ హెడ్ జుబిన్ భరుచా సమక్షంలో జరిగిన ట్రయల్స్‌లో వైభవ్ అద్భుతమైన ప్రదర్శన చేశాడు. ట్రయల్స్‌లో తను ఎదుర్కొన్న తొలి బంతినే సిక్సర్‌గా మలిచి అక్కడ ఉన్న వారందరినీ ఆశ్చర్యపరిచాడు. సంజూ శాంసన్, యశస్వి జైస్వాల్ గతంలో ఇదే విధంగా తొలి బంతికే భారీ షాట్లు ఆడి సెలక్టర్లను ఆకట్టుకున్నారు. వైభవ్ కూడా అదే తరహాలో తన సత్తాను చాటి, ఆర్ఆర్ యాజమాన్యానికి తనపై నమ్మకం కలిగేలా చేశాడు.

Vaibhav Suryavanshi: పది కోట్ల బడ్జెట్ సిద్ధం చేయమని ఆదేశం

వైభవ్ ప్రదర్శన చూసిన జుబిన్ భరుచా అతడిని జనరేషనల్ టాలెంట్ అని అభివర్ణించాడు. వెంటనే యాజమాన్యానికి మెసేజ్ పంపి, వేలంలో అతని కోసం పది కోట్ల రూపాయలు సిద్ధం చేయాలని సూచించాడు. ఈ యువ ఆటగాడిపై ఉంచిన నమ్మకం, రాజస్థాన్ రాయల్స్ టీమ్ మేనేజ్మెంట్ విజన్ కు నిదర్శనంగా నిలిచింది. భవిష్యత్తులో ఈ ఆటగాడు ఐపీఎల్‌లో సంచలనాలు సృష్టించే అవకాశం ఉందని క్రికెట్ విశ్లేషకులు భావిస్తున్నారు.