వైభవ్ తో గొడవ.. లంక ప్లేయర్ హలంబగేపై 2 మ్యాచ్‌ల నిషేధం!

Vishen Halambage Ban: శ్రీలంక 'ఏ' జట్టు ఆటగాడు విషెన్ హలంబగే, భారత యువ సంచలనం వైభవ్ సూర్యవంశీల మధ్య మైదానంలో చోటుచేసుకున్న ఘర్షణ ఉదంతం క్రికెట్ వర్గాల్లో తీవ్ర సంచలనంగా మారింది.

దంబుల్లా వేదికగా జరిగిన భారత్-ఏ, శ్రీలంక-ఏ ట్రై-సిరీస్ మ్యాచ్ ముగిసిన అనంతరం ఇరు జట్ల మధ్య జరిగిన ఈ హై-డ్రామాకు సంబంధించి మరికొన్ని కీలక అప్‌డేట్స్ వెలుగులోకి వచ్చాయి.

లంక ప్లేయర్‌పై 2 మ్యాచ్‌ల నిషేధం?

Vishen Halambage Banned for 2 Matches SLC

మ్యాచ్ రిఫరీ ప్రదీప్ జయప్రకాశ్ అందించిన నివేదిక ఆధారంగా శ్రీలంక క్రికెట్ బోర్డు (SLC) క్రమశిక్షణా చర్యలు చేపట్టింది. కేవలం జరిమానా మాత్రమే కాకుండా, కోడ్ ఆఫ్ కాండక్ట్ ఉల్లంఘించినందుకు గానూ లంక స్పిన్నర్ విషెన్ హలంబగేపై రెండు మ్యాచ్‌ల నిషేధం (2-Match Ban) విధించినట్లు జాతీయ క్రీడా మీడియా కథనాలు స్పష్టం చేస్తున్నాయి. సాధారణంగా ఐసీసీ (ICC) నిర్వహించే మ్యాచ్‌లలో ఇరు పక్షాల వాదనలు వినేందుకు అధికారిక విచారణ (Official Hearing) జరుపుతారు. అయితే, ఇది ‘ఎ’ జట్ల సిరీస్ కావడంతో ఐసీసీ పరిధిలోకి రాదు. అందువల్ల ఆన్-ఫీల్డ్ అంపైర్ల రిపోర్ట్ ఆధారంగా శ్రీలంక బోర్డే నేరుగా ఈ శిక్షను ఖరారు చేసింది. ఈ ఘర్షణలో మధ్యలో వచ్చి గొడవ సర్దడానికి ప్రయత్నించిన సీనియర్ వికెట్ కీపర్ నిరోషన్ డిక్వెల్లాకు సైతం బోర్డు భారీ ఫైన్ విధించింది. అయితే ఇది అతిగా అప్పీల్ చేసినందుకు (Excessive Appealing) గానూ వేరే తప్పిదానికి విధించిన జరిమానాగా సమాచారం.

Vishen Halambage Ban: ఇది ఐపీఎల్ కాదు.. ఇంటికి వెళ్లు: స్లెడ్జింగ్ వివరాలు!

మ్యాచ్ ముగిసిన తర్వాత లంక ఆటగాళ్లు హద్దులు దాటి ప్రవర్తించిన తీరే ఈ ఘర్షణకు అసలు కారణమని తెలుస్తోంది. సూపర్ ఓవర్‌లో భారత్ ఓడిపోయిన తర్వాత, నిరాశతో వెనుతిరుగుతున్న 15 ఏళ్ల వైభవ్ సూర్యవంశీని టార్గెట్ చేస్తూ హలంబగే తీవ్రమైన స్లెడ్జింగ్‌కు దిగాడు. “మ్యాచ్ అయిపోయింది.. ఇక ఇంటికి వెళ్లు, ఇది ఐపీఎల్ (IPL) కాదు” అంటూ అవహేళన చేయడంతోనే వైభవ్ సహనం కోల్పోయి లంక ప్లేయర్‌ను నెట్టివేసినట్లు వీడియోల ద్వారా స్పష్టమైంది. బీసీసీఐ సెక్రటరీ దేవజిత్ సైకియా ఈ ఘటనపై స్పందిస్తూ.. భారత ఆటగాళ్లు టోర్నమెంట్‌పై దృష్టి పెట్టాలని, ఇలాంటి ఇతర విషయాల వల్ల దృష్టి మరల్చుకోవద్దని సూచించారు. దీంతో వైభవ్‌పై బీసీసీఐ ఎలాంటి చర్యలు తీసుకోకుండా క్లీన్ చిట్ ఇచ్చింది.