అయితే, ఈ అందాలను చూసేందుకు వెళ్లే పర్యాటకులు తగిన జాగ్రత్తలు తీసుకోకపోతే ప్రాణాలకే ప్రమాదం వాటిల్లుతుందని అటవీ, పోలీసు అధికారులు తీవ్రంగా హెచ్చరిస్తున్నారు. దట్టమైన అడవుల్లో ఉండే ఈ జలపాతాల వద్ద లోతు తెలియకపోవడం, జారే బండరాళ్లు ఉండటం వల్ల ప్రమాదాలు జరుగుతున్నాయి.

అనుమతి ఉన్న జలపాతాలు ఇవే: ప్రస్తుత వర్షాల నేపథ్యంలో పర్యాటకుల భద్రతను దృష్ట్యా అధికారులు కేవలం రెండు ప్రధాన జలపాతాలకు మాత్రమే అధికారికంగా అనుమతులు ఇస్తున్నారు.

Read Also: Education System : నూతన మార్పునకు నాంది పలికే సంస్కరణలు

Waterfall Visits During Monsoon

1. బొగత జలపాతం (ములుగు జిల్లా): తెలంగాణ నయాగరాగా పిలవబడే ఈ జలపాతం పచ్చని చెట్ల మధ్య పర్యాటకులను అలరిస్తోంది.
2. భీముని పాదం జలపాతం (మహబూబాబాద్‌ జిల్లా): ఇక్కడకు కూడా పర్యాటకులు వెళ్లేందుకు అనుమతి ఉంది. అయితే భారీ వర్షాలు, వరదలు వస్తే ఈ అనుమతులను తక్షణమే రద్దు చేస్తారు.

Waterfall Visits During Monsoon : నిషేధిత ప్రాంతాలకు అడ్డదారుల్లో వెళ్తే ప్రమాదమే

వాజేడు మండలంలోని దుసపాటిలొద్ది, అరుణాచలపురం గుండం, మాసంలొద్ది, వెంకటాపురం మండలంలోని ముత్యంధార, గడిచెరువు వంటి ప్రమాదకరమైన జలపాతాల సందర్శనపై అటవీశాఖ నిషేధం విధించింది. అయినప్పటికీ, కొంతమంది యువకులు పొలంగట్లు, అడవి అడ్డదారుల ద్వారా అక్కడికి వెళ్తున్నారు. దట్టమైన అడవుల్లో వన్యప్రాణుల సంచారం ఎక్కువగా ఉంటుందని, వాటి వల్ల కూడా ప్రాణపిండం చేతపట్టుకోవాల్సి వస్తుందని అధికారులు హెచ్చరిస్తున్నారు.

మరణాల గణాంకాలు – యువతకే ఎక్కువ ముప్పు: గడిచిన కాలంలో సరదా కోసం వెళ్లి ప్రాణాలు కోల్పోయిన వారిలో యువకులే అధికంగా ఉన్నారు. రికార్డుల ప్రకారం:

• బొగత జలపాతం: ఇప్పటివరకు ఇక్కడ లోతు తెలియక 24 మంది మృత్యువాత పడ్డారు.
• దుసపాటిలొద్ది జలపాతం: ఇక్కడ 8 మంది ప్రాణాలు కోల్పోయారు.
• ఏడుబావుల జలపాతం: ప్రమాదవశాత్తూ ఇక్కడ 7 మంది మరణించారు.

ఈ ప్రమాదాల నివారణకు అటవీశాఖ ఇప్పటికే హెచ్చరిక బోర్డులను ఏర్పాటు చేసి, సిబ్బందితో పహారా కాస్తోంది. పర్యాటకులు నిబంధనలు పాటించి సురక్షిత ప్రాంతాలనే సందర్శించాలని అధికారులు కోరుతున్నారు.

Read hindi news : hindi.vaartha.com

Epaper : epaper.vaartha.com

హైదరాబాద్‌లో విదేశీ వర్సిటీలు