ఈ హైప్రొఫైల్ కేసులో పాత నేరస్థుడైన నిందితుడిని అదుపులోకి తీసుకుని, అతని వద్ద నుండి సుమారు రూ. 11.88 లక్షల విలువైన బంగారు, వెండి ఆభరణాలను నూటికి నూరు శాతం రికవరీ చేశారు. జల్సాలకు, చెడు అలవాట్లకు బానిసై, కష్టపడకుండా సులభంగా డబ్బు సంపాదించాలనే దురాశతోనే దొంగతనాలను వృత్తిగా ఎంచుకున్న సదరు నిందితుడు చివరకు పోలీసుల వ్యూహాత్మక దాడిలో మరోసారి కటకటాల పాలయ్యాడు.

తాళం వేసిన ఇంట్లోకి చొరబడి భారీ దోపిడీ

పోలీసులు వెల్లడించిన వివరాల ప్రకారం.. నెల్లూరు రూరల్ మండలం, రెవెన్యూ కాలనీలోని ఒక మూడు అంతస్తుల నివాస భవనంలో ఈ చోరీ జరిగింది. సదరు భవనంలోని మొదటి అంతస్తులో ఉంటున్న గృహ యజమానులు వ్యక్తిగత పనుల నిమిత్తం ఇంటికి తాళం వేసి బయటకు వెళ్లారు. దీనిని గమనించిన గుర్తుతెలియని దుండగుడు అర్ధరాత్రి సమయంలో భవనంలోకి ప్రవేశించాడు. ఇంటి ప్రధాన ఇనుప గ్రిల్ గేటును మరియు కిటికీలను సాంకేతిక పరికరాలతో తొలగించి అత్యంత సులువుగా లోపలికి చొరబడ్డాడు. బెడ్‌రూమ్‌లోని బీరువా తాళాలను పగలగొట్టి, అందులో భద్రపరిచిన భారీ ఎత్తున బంగారు, వెండి ఆభరణాలను అపహరించి పారిపోయాడు. తిరిగి వచ్చిన యజమానులు దొంగతనం జరిగినట్లు గుర్తించి వెంటనే వేదాయపాలెం పోలీస్ స్టేషన్‌లో ఫిర్యాదు చేశారు.

ఎస్పీ అజిత వేజెండ్ల ఆదేశాలు - హైవేపై నిందితుడి వేట

బాధితుల ఫిర్యాదుతో రంగంలోకి దిగిన జిల్లా పోలీస్ యంత్రాంగం కేసును సవాల్‌గా తీసుకుంది.నెల్లూరు జిల్లా పోలీస్ సూపరింటెండెంట్ (SP) డాక్టర్ అజిత వేజెండ్ల కఠిన ఆదేశాల మేరకు, అడిషనల్ ఎస్పీ (Admin) సిహెచ్. సౌజన్య దిశానిర్దేశంలో, నెల్లూరు టౌన్ ఏఎస్పీ దీక్ష ప్రత్యక్ష పర్యవేక్షణలో వేదాయపాలెం సర్కిల్ ఇన్‌స్పెక్టర్ (CI) శ్రీనివాసరావు నేతృత్వంలో క్రైమ్ విభాగం పోలీసులు ప్రత్యేక బృందాలుగా ఏర్పడి క్షేత్రస్థాయిలో దర్యాప్తు ప్రారంభించారు. క్లూస్ టీమ్, సీసీటీవీ ఫుటేజీల ఆధారంగా నిందితుడి కదలికలపై నిఘా ఉంచిన పోలీసులకు జూన్ 22న కీలక సమాచారం అందింది. బుజబుజనెల్లూరు హైవే రోడ్డుపై అనుమానాస్పదంగా సంచరిస్తూ, చోరీ సొత్తును విక్రయించేందుకు ప్రయత్నిస్తున్న ఉప్పు శివనారాయణ అనే వ్యక్తిని పోలీసులు గుర్తించారు. పోలీసులను చూడగానే పారిపోయేందుకు ప్రయత్నించిన నిందితుడిని ప్రత్యేక బృందం వెంబడించి చాకచక్యంగా అదుపులోకి తీసుకుంది.

Vedayapalem House Burglary Case: రూ. 11.88 లక్షల చోరీ సొత్తు వంద శాతం రికవరీ

అరెస్ట్ చేసిన నిందితుడు ఉప్పు శివనారాయణ వద్ద ఉన్న బ్యాగును పోలీసులు ఉన్నతాధికారుల సమక్షంలో నిశితంగా తనిఖీ చేయగా, రెవెన్యూ కాలనీ గృహ చోరీకి సంబంధించిన మొత్తం సొత్తు బయటపడింది. నిందితుడి వద్ద నుండి స్వాధీనం చేసుకున్న ఆభరణాల వివరాలను పోలీసులు అధికారికంగా వెల్లడించారు

కేసు నమోదు చేసిన అతి తక్కువ సమయంలోనే క్లిష్టమైన సాంకేతిక ఆధారాలను విశ్లేషించి, నిందితుడిని అరెస్టు చేయడమే కాకుండా దొంగిలించిన ఆస్తిని పూర్తిగా రికవరీ చేసిన నెల్లూరు టౌన్ ఏఎస్పీ దీక్షను, వేదాయపాలెం సీఐ శ్రీనివాసరావును మరియు దర్యాప్తులో పాల్గొన్న ఇతర పోలీస్ సిబ్బందిని జిల్లా ఎస్పీ డాక్టర్ అజిత వేజెండ్ల ప్రత్యేకంగా అభినందించి రివార్డులను ప్రకటించారు.

గాదె సాయికృష్ణ కేసులో ట్విస్ట్.. సీఐ నాగరాజు అరెస్టు