వేసవిలో కురుపులు లేదా గడ్డలు ఎందుకు వస్తాయి?

Heat boils remedies: ఎండలు ముదురుతున్న వేళ బాడీలో హీట్ పెరిగి చర్మంపై ఎర్రటి గడ్డలు రావడం సహజం. ముఖ్యంగా చెమట పట్టడం వల్ల చర్మ రంధ్రాలు మూసుకుపోయి బ్యాక్టీరియా లోపలికి చేరడం వల్ల ఈ కురుపులు వస్తాయి.

డయాబెటిస్ ఉన్నవారికి లేదా రోగనిరోధక శక్తి తక్కువగా ఉన్నవారికి ఇవి తరచుగా వస్తూ చాలా నొప్పిని కలిగిస్తాయి. ఇన్ఫెక్షన్ సోకినప్పుడు ఈ గడ్డల్లో చీము చేరి ఎర్రగా వాచిపోయి కూర్చోవడానికి కూడా ఇబ్బంది పెడతాయి. ఈ సమస్య రాకుండా ఉండాలంటే రోజుకు రెండు సార్లు స్నానం చేస్తూ చర్మాన్ని ఎప్పుడూ పొడిగా ఉంచుకోవాలి.

Natural treatments for skin boils

Heat boils remedies: వేడి కురుపులు మటుమాయం చేసే ఇంటి చిట్కాలు

మన ఇంట్లో దొరికే పసుపు ఒక అద్భుతమైన మందులా పనిచేస్తుంది. పసుపులో ఉండే గుణాలు ఇన్ఫెక్షన్ పెరగకుండా అడ్డుకుంటాయి. అలాగే వేపాకులను మెత్తగా నూరి కురుపుపై ప్యాక్‌లా వేస్తే నొప్పి వెంటనే తగ్గుతుంది. గోరువెచ్చని నీటిలో ముంచిన గుడ్డతో కురుపుపై కాపడం పెడితే లోపల ఉన్న చీము బయటకు వచ్చి గడ్డ త్వరగా నయమవుతుంది. వీటితో పాటు టీ ట్రీ ఆయిల్ వంటి సహజ నూనెలు వాడటం వల్ల చర్మంపై బ్యాక్టీరియా త్వరగా నశిస్తుంది.

ఈ జాగ్రత్తలు పాటిస్తే సెగ గడ్డలు మీ దరిచేరవు

శరీరం చల్లబడటానికి రోజుకు కనీసం నాలుగు లీటర్ల నీరు తాగాలి.
మజ్జిగ, కొబ్బరి నీళ్లు, పుచ్చకాయ వంటి చలువ చేసే పదార్థాలు తీసుకోవాలి.
బిగుతుగా ఉండే బట్టలు కాకుండా గాలి ఆడే వదులైన కాటన్ దుస్తులు ధరించాలి.
కురుపులను గిల్లడం లేదా పిండడం చేయకూడదు, లేదంటే ఇన్ఫెక్షన్ బాడీ అంతా పాకుతుంది.
మసాలాలు, నూనెలో వేయించిన తిండికి దూరంగా ఉంటే బాడీ హీట్ తగ్గుతుంది.