Vijay: తమిళనాడు అసెంబ్లీ ఎన్నికల ఫలితాల తర్వాత రాష్ట్ర రాజకీయ ముఖచిత్రం ఒక్కసారిగా వేడెక్కింది. ఏ పార్టీకి స్పష్టమైన మెజారిటీ రాకపోవడంతో 'హంగ్' ఏర్పడింది.

ఈ క్రమంలో తమిళగ వెట్రి కళగం (TVK) అధినేత, నటుడు విజయ్ తీసుకున్న నిర్ణయం ఇప్పుడు జాతీయ స్థాయిలో చర్చనీయాంశంగా మారింది.

Read Also: Nagpur Crime: సవతి తల్లిపై అత్యాచారం చేసిన యువకుడు.. గర్భం దాల్చడంతో వెలుగులోకి!

ద్రవిడ పార్టీల దోస్తీపై విజయ్ అస్త్రం

రాష్ట్రంలోని ప్రధాన ప్రత్యర్థులైన డీఎంకే, అన్నాడీఎంకే పార్టీలు అధికారం కోసం చేతులు కలిపే అవకాశం ఉందన్న వార్తలు జోరుగా వినిపిస్తున్నాయి. ఈ రెండు పార్టీలు కుమ్మక్కై ప్రభుత్వాన్ని ఏర్పాటు చేస్తే, తన పార్టీకి చెందిన 107 మంది ఎమ్మెల్యేలతో మూకుమ్మడిగా రాజీనామా చేయించాలని విజయ్ భావిస్తున్నట్లు సమాచారం. ప్రజా తీర్పుకు వ్యతిరేకంగా ఈ రెండు పార్టీలు వెళ్తే, మళ్ళీ ఎన్నికలకు వెళ్లడమే సరైన మార్గమని ఆయన యోచిస్తున్నారు.

Vijay: గవర్నర్ తీరుపై టీవీకే అసహనం

ప్రభుత్వ ఏర్పాటుకు తమకు అవకాశం ఇవ్వాలని కోరుతూ విజయ్ ఇప్పటికే రెండుసార్లు గవర్నర్‌ను కలిశారు. అయితే, అక్కడి నుంచి ఆశించిన స్పందన రాలేదు. ఇదే సమయంలో డీఎంకే తన వ్యూహాలకు పదును పెడుతూ.. సుస్థిర ప్రభుత్వం పేరుతో అన్నాడీఎంకే మద్దతు కూడగట్టే ప్రయత్నం చేస్తోంది. ఈ పరిణామాలను గమనిస్తున్న విజయ్, ప్రజాస్వామ్యాన్ని కాపాడేందుకు రాజీనామా అస్త్రాన్ని ప్రయోగించాలని నిర్ణయించుకున్నట్లు తెలుస్తోంది.

రాజీనామాలే శరణ్యమా?

ప్రజలు మార్పు కోరుకున్నారని, అత్యధిక స్థానాలు గెలిచిన తమకే ప్రభుత్వ ఏర్పాటు అవకాశం దక్కాలని టీవీకే వర్గాలు వాదిస్తున్నాయి. ఒకవేళ డీఎంకే, అన్నాడీఎంకే కలిసి అపవిత్ర కలయికకు తెరలేపితే.. తమ ఎమ్మెల్యేలందరూ పదవులకు రాజీనామా చేసి ప్రజల వద్దకే వెళ్లాలని విజయ్ తన పార్టీ నేతలకు స్పష్టమైన ఆదేశాలు జారీ చేసినట్లు జాతీయ మీడియా కథనాలు పేర్కొంటున్నాయి.