'విరూపాక్ష' వంటి బ్లాక్‌బస్టర్ హిట్‌తో టాలీవుడ్‌లో సెన్సేషన్ క్రియేట్ చేసిన దర్శకుడు కార్తీక్ దండు ఈ చిత్రాన్ని తెరకెక్కిస్తున్నారు. భారీ బడ్జెట్, హై టెక్నికల్ వాల్యూస్‌తో రూపొందుతున్న ఈ సినిమా షూటింగ్ ప్రస్తుతం శరవేగంగా సాగుతోంది. ఇటీవలే ఈ చిత్రానికి సంబంధించిన ఒక కీలకమైన షూటింగ్ షెడ్యూల్ విజయవంతంగా పూర్తయినట్లు చిత్ర యూనిట్ అధికారికంగా ప్రకటించింది.

Read Also : లాయర్ అవతారంలో సూర్య మెప్పించాడా?

రాజస్థాన్ కోటల్లో కీలక షెడ్యూల్ పూర్తి

ఈ సినిమా కథాంశంలో ఎంతో ప్రాధాన్యత ఉన్న ఒక మేజర్ షెడ్యూల్‌ను చిత్ర బృందం రాజస్థాన్‌లోని చారిత్రాత్మక కోటల (Forts) నడుమ చిత్రీకరించింది. అక్కడి పురాతన కట్టడాలు, రాచరికపు వాతావరణం నేపథ్యంలో నాగచైతన్య, మీనాక్షిలపై కొన్ని కీలకమైన సన్నివేశాలను డైరెక్టర్ కార్తీక్ దండు తెరకెక్కించారు. ఈ షెడ్యూల్ కంప్లీట్ అయినట్లు మేకర్స్ ప్రకటిస్తూ, సెట్స్ నుంచి కొన్ని బ్యూటిఫుల్ వర్కింగ్ ఫొటోలను సోషల్ మీడియా వేదికగా రిలీజ్ చేశారు. ఈ ఫొటోల్లో సినిమా తాలూకు లొకేషన్లు గ్రాండ్‌గా కనిపిస్తుండటంతో అక్కినేని అభిమానుల్లో అంచనాలు భారీగా పెరిగిపోయాయి.

హాలీవుడ్ రేంజ్‌లో CGI వర్క్స్.. త్వరలోనే రిలీజ్ డేట్!

ప్రస్తుతం ఈ సినిమాకు సంబంధించి పోస్ట్ ప్రొడక్షన్ పనులు సమాంతరంగా జరుగుతున్నాయి. ముఖ్యంగా ప్రేక్షకులకు విజువల్ ఫీస్ట్ అందించాలనే ఉద్దేశంతో.. హాలీవుడ్ ప్రమాణాలకు తగ్గట్టుగా భారీ స్థాయిలో కంప్యూటర్ జనరేటెడ్ ఇమేజరీ (CGI) మరియు వీఎఫ్ఎక్స్ (VFX) వర్క్స్ చేయిస్తున్నట్లు మేకర్స్ తెలిపారు. ఈ విజువల్ ఎఫెక్ట్స్ సినిమాకు ప్రధాన ఆకర్షణగా నిలవనున్నాయని టాక్. అన్ని పనులను పక్కా ప్లానింగ్‌తో పూర్తి చేసి, త్వరలోనే ఈ మోస్ట్ అవేటెడ్ మూవీ 'వృషకర్మ' అధికారిక విడుదల తేదీని (Release Date) ప్రకటిస్తామని చిత్ర బృందం వెల్లడించింది.

Read Also hindi news: hindi.vaartha.com

Read Also Epaper : epaper.vaartha.com

Read Also :

పెద్ది నుంచి 'రాంబుజ్జి' ఎంట్రీ.. మరో గ్లింప్స్ వీడియో విడుదల