లేక వాటికి అనుకూల పరిస్థితులను సృష్టిస్తున్న మన నిర్లక్ష్యమా? వర్షాలు సహజం, కానీ వాటి వెంట ప్రతి ఏడాది డెంగ్యూ, మలేరియా, చికున్గున్యా, కలరా, టైఫాయిడ్, గ్యాస్ట్రోఎంటరైటిస్ వంటి వ్యాధులు పునరావృతం కావడం కేవలం ప్రకృతి ప్రభావం మాత్రమే కాదు, ప్రజారోగ్య నిర్వ హణ, పారిశుధ్యం, పర్యావరణ పరిరక్షణ, పౌర బాధ్యత వంటి అంశాలతో ముడిపడి ఉన్న సంక్లిష్ట వాస్తవం. ప్రపంచ ఆరోగ్య సంస్థ ప్రకారం, ఇటీవలి సంవత్సరాల్లో ప్రపంచవ్యాప్తంగా డెంగ్యూ కేసులు చారిత్రాక్టుక స్థాయికి చేరుకున్నాయి. భారత ప్రభుత్వ నేషనల్ సెంటర్ ఫర్ వెక్టర్ బోర్న్ డిసీజెస్ కంట్రోల్ గణాంకాలు కూడా ప్రతి వర్షాకాలంలో డెంగ్యూ, మలేరియా కేసులు గణనీయంగా పెరుగుతున్న ధోరణిని సూచిస్తున్నాయి ఇదే సమయంలో అంతర్జాతీయ వైద్య పరిశోధనా పత్రిక ‘ది లాన్సెట్ ప్లానెటరీ హెల్త్ ప్రచురితమైన అధ్యయనాలు కూడా వాతావరణ మార్పులు వెక్టర్్బర్న్ వ్యాధులు భౌగోళిక విస్తరణను ప్రభావితం చేస్తున్నాయని సూచిస్తున్నాయి. కాబట్టి వ్యాధులను కేవలం వైద్య సమస్యగా కాకుండా, ప్రజారోగ్య నిర్వహణకు సంబంధించిన సామాజిక సవా లుగా చూడాల్సిన అవసరం ఉంది.

Diseases

Diseases : వ్యాధులు రాకముందే నివారణ చర్యలు

సీజనల్ వ్యాధుల నివారణలో బాధ్యతను ఒకే వర్గంపై మోపడం వాస్తవ పరిస్థితిని పూర్తిగా ప్రతిబింబించదు. స్థానిక సంస్థలు డ్రైనేజీ నిర్వహణ, చెత్తతొలగింపు, యాంటీ లార్వా చర్య లు, ఫాగింగ్, తాగునీటి భద్రత, ప్రజల్లో అవగాహన కార్య క్రమాలు వంటి అంశాలను సకాలంలో అమలుచేయాల్సిన బాధ్యత కలిగి ఉన్నాయి. మరోవైపు, ప్రతి కుటుంబం ఇంటి పరిసరాల్లో నీరు నిల్వకాకుండాచూడడం, కూలర్లు, పూల కుండీలు, పాత టైర్లు, నీరు నిలిచే పాత్ర లను తరచూ శుభ్రం చేయడం వంటి చర్యలు తీసుకోవడం కూడా అంతే అవసరం. భారత వైద్య పరిశోధనా మండలి, నేషనల్ ఇన్స్టిట్యూట్ ఆఫ్ మలేరియా రీసెర్చ్ అధ్యయ నాల ప్రకారం, డెంగ్యూ వ్యాప్తి చేసే ‘ఈడిస్ ఈ జిప్ట్’ జాతి దోమలు ఇంటి ఆవరణలో నిల్వ ఉండే స్వచ్ఛమైన నీటిలోనే ఎక్కువగా వృద్ధి చెందుతున్నాయి. అందువల్ల ప్రభుత్వంచర్యలు తీసుకోవడం మాత్రమే సరిపోదు, ప్రజల భాగస్వామ్యం కూడా విజయానికి కీలకం, ప్రభుత్వం, ప్రజలు అనే భాగస్వామ్య దృక్పథమే ప్రజారోగ్యానికి బలమైన రక్షణ, సీజనల్ వ్యాధుల అసలు ప్రభావం ఆసుపత్రిగోడల వద్ద ఆగిపోదు. అది కుటుంబాల ఆదాయం, పిల్లల చదు వు, ఉపాధి, జీవనోపాధిపై కూడా ప్రత్యక్ష ప్రభావం చూపు తుంది. ప్రతివర్షాకాలం మనకు ఒకే పాఠాన్ని గుర్తు చేస్తుం ది. వ్యాధులు ఒక్కసారిగా పుట్టవు. వాటికి అనుకూల పరి స్థితులు క్రమంగా ఏర్పడ తాయి. అందువల్ల ప్రజారోగ్య విజయాన్ని ఆసుపత్రుల్లోని వడకల సంఖ్యతో కాకుండా, వ్యాధులు రాకముందే చేపట్టిన నివారణ చర్యలతో కొలవాలి.

-ఫిరోజ్ ఖాన్

Read hindi news : hindi.vaartha.com

Epaper : epaper.vaartha.com

వర్షాకాలంలో ఆకు కూరలు తినొచ్చా?