విసి ఆచార్య అల్దాస్ జానయ్య

Digital Agriculture: వాతావరణ అనుకూల వ్యవసాయం, డిజిటల్ వ్యవసాయ సాంకేతికతలు, ప్రిసిషన్ ఫార్మింగ్, నవకల్పనలు, స్థిరమైన వ్యవసాయ విధానాల్లో భారత్-ఆస్ట్రేలియా దేశాల మధ్య సహకారాన్ని మరింత బలోపేతం చేసే లక్ష్యంతో భారత్-ఆస్ట్రేలియా స్మార్ట్ ఫార్మ్ నెట్వర్క్ వ్యవసాయ విశ్వ విద్యాలయంలో ప్రారంభమైంది.

ఈ వేదిక ద్వారా రెండు దేశాల విద్యా సంస్థలు, పరిశోధన సంస్థలు, స్టార్టప్లు, పరిశ్రమలు, ఇతర భాగ స్వామ్య సంస్థల మధ్య సంయుక్త పరిశోధనలు, పైలట్ ప్రాజెక్టులు, సాంకేతిక పరిజ్ఞాన మార్పిడి, నైపుణ్యాభివృద్ధి కార్యక్రమాలు చేపట్టనున్నట్లు నిర్వాహకులు వెల్లడించారు. ఈ మేరకు వ్యవసాయ విశ్వ విద్యాలయంలో రీసెర్చ్ అండ్ ఇన్నోవేషన్ సర్కిల్ ఆఫ్ హైదరాబాద్, చార్లెస్ స్టర్ట్ యూనివర్సిటీ, ప్రొఫెసర్ జయశంకర్ తెలంగాణ వ్యవసాయ విశ్వవిద్యాలయం, బెంగళూరు సైన్స్ అండ్ టెక్నాలజీ క్లస్టర్ సిఓఈఎఫ్పీఓ బెంగళూరు సంయుక్త ఆధ్వర్యంలో ‘ఇండియా- ఆస్ట్రేలియా స్మార్ట్ ఫార్మ్ నెట్వర్క్’ కార్యక్రమాన్ని గురువారం ప్రారంభించాయి.

Read Also: Gas : గ్యాస్ సిలిండర్ల ఆటోలకు ఎస్కార్ట్..ఇదేందయ్యా… ఇది నేను ఎక్కడ చూడలే !!

Digital Agriculture: రైతులు వాతావరణ మార్పుల ప్రభావాన్ని ఎదుర్కొ నేందుకు కీలకం

ఈ సదస్సులో భారత్, ఆస్ట్రేలియా దేశాలకు చెందిన ప్రభుత్వ సంస్థలు, విశ్వవిద్యాలయాలు, పరిశోధనా సంస్థలు, స్టార్టప్లు, పరిశ్రమల భాగస్వాములు పాల్గొన్నాయి. ఈ సందర్భంగా భారత్లో ఆస్ట్రే లియా హై కమిషనర్ ఫిలిప్ గ్రీన్ మాట్లాడుతూ… రైతులు వాతావరణ మార్పుల ప్రభా వాన్ని ఎదుర్కొ నేందుకు భారత్-ఆస్ట్రేలియా భాగస్వామ్యం ఎంతో కీలకమన్నారు. వ్యవసాయ విశ్వవిద్యా లయ విసి అల్దాస్ జానయ్య మాట్లాడుతూ.. విద్యా సంస్థలు, పరిశ్రమలు, సాంకేతిక నిపుణులు, రైతుల మధ్య సమన్వయాన్ని పెంపొందించడంలో ఈ కార్య క్రమం దోహదపడుతుందని తెలిపారు. భారత ప్రభుత్వ ప్రధాన శాస్త్రీయ సలహాదారు కార్యాలయ ప్రతినిధి డాక్టర్ విశాల్ మాట్లాడుతూ… వ్యవ సాయ రంగంలో వాస్తవ సమస్యల పరిష్కారానికి అంతర్జాతీయ శాస్త్రీయ భాగస్వా మ్యాలు ఎంతో అవసరమన్నారు.