ఈ కొత్త నిబంధన వల్ల దేశంలోని అత్యధిక శాతం చిన్న, మధ్య తరహా వ్యాపారులపై ప్రత్యక్ష ప్రభావం ఉండదని ఎన్‌పీసీఐ మేనేజింగ్ డైరెక్టర్‌, సీఈఓ దిలీప్‌ అస్బే వెల్లడించారు. భారత్‌లో ప్రస్తుతం 6 కోట్లకు పైగా ప్రత్యేక యూపీఐ మర్చంట్లు ఉన్నారని ఎన్‌పీసీఐ తెలిపింది. వీరిలో సుమారు 75 శాతం మంది ఇప్పటివరకు ఒక్కసారి కూడా రూ.2,000కు మించిన విలువైన యూపీఐ లావాదేవీని నమోదు చేయలేదని దిలీప్‌ అస్బే పేర్కొన్నారు. దీంతో కొత్త MDR నిబంధన ప్రభావం ఎక్కువగా పెద్ద మొత్తాల్లో లావాదేవీలు నిర్వహించే వ్యాపారాలకే పరిమితమయ్యే అవకాశం ఉందని వివరించారు.

AI Threat : ఉద్యోగ భద్రతకు ఎఐ ముప్పు!

UPI Payments

75 శాతం మంది వ్యాపారులకు ప్రభావం ఉండదు

ఎన్‌పీసీఐ లెక్కల ప్రకారం డిజిటల్‌ చెల్లింపులు స్వీకరిస్తున్న వ్యాపారుల్లో దాదాపు 75 శాతం మందికి కొత్త నిబంధన వర్తించదు. ముఖ్యంగా చిన్న దుకాణాలు, చిన్న వ్యాపారాలు నిర్వహించే వారికి రూ.2,000కు మించిన లావాదేవీలు తక్కువగా ఉండటమే ఇందుకు ప్రధాన కారణంగా పేర్కొన్నారు. అందువల్ల సాధారణ రోజువారీ చిన్న మొత్తాల యూపీఐ చెల్లింపులపై వ్యాపారులు అదనపు భారం గురించి ఆందోళన చెందాల్సిన అవసరం లేదని ఎన్‌పీసీఐ స్పష్టం చేసింది. కొత్త MDR ద్వారా వచ్చే మొత్తం విలువలో సుమారు 80 శాతం వార్షికంగా రూ.1,000 కోట్లకు పైగా స్థూల సరుకుల విలువ (GMV) కలిగిన వ్యాపారుల నుంచి వస్తుందని ఎన్‌పీసీఐ అంచనా వేసింది. అలాగే మిగిలిన మొత్తంలో దాదాపు సగం రూ.1 కోటి కంటే ఎక్కువ వార్షిక GMV ఉన్న వ్యాపారాల నుంచి వచ్చే అవకాశం ఉందని దిలీప్‌ అస్బే తెలిపారు. దీంతో MDR ప్రభావం ప్రధానంగా అధిక విలువైన లావాదేవీలు నిర్వహించే పెద్ద వ్యాపారాలపై ఉండనుంది. పెద్ద వ్యాపార సంస్థల్లో చాలావరకు ఇప్పటికే క్రెడిట్‌ కార్డు చెల్లింపులను స్వీకరిస్తున్నాయని ఎన్‌పీసీఐ తెలిపింది. అందువల్ల లావాదేవీలకు సంబంధించిన ఛార్జీల విధానం, వాటి ప్రభావంపై వారికి ఇప్పటికే అవగాహన ఉందని పేర్కొంది. అయితే కొంతమంది వ్యాపారులు MDR భారాన్ని వినియోగదారులపైకి బదిలీ చేసే అవకాశం ఉందని ఎన్‌పీసీఐ అంగీకరించింది. మొత్తం వ్యాపారుల విలువలో సుమారు 10 శాతం వరకు ఇలాంటి ప్రయత్నం జరిగే అవకాశం ఉందని దిలీప్‌ అస్బే తెలిపారు. వినియోగదారులపై అదనపు ఛార్జీలు పడకుండా బ్యాంకులు, పేమెంట్‌ అగ్రిగేటర్లు, ఇతర భాగస్వాములతో కలిసి ఎన్‌పీసీఐ పర్యవేక్షణ చేపడుతుందని ఆయన చెప్పారు.

Read hindi news : hindi.vaartha.com

Epaper : epaper.vaartha.com

కుటుంబ నియంత్రణకు కాలదోషం!