YouTuber Ravan: సంచలనాత్మక యూఏపీఏ (UAPA) కేసులో అరెస్టై నెల్లూరు సెంట్రల్ జైలులో రిమాండ్లో ఉన్న ప్రముఖ యూట్యూబర్ బచ్చలకూరి రావణ్కు గన్నవరం కోర్టులో మరోసారి చుక్కెదురైంది.
విచారణ నిమిత్తం పోలీసులు ఆయనను గన్నవరం కోర్టు ముందు హాజరుపరిచగా, న్యాయస్థానం రావణ్ రిమాండ్ను ఈ నెల 22వ తేదీ వరకు పొడిగిస్తూ ఉత్తర్వులు జారీ చేసింది.
మావోయిస్టు భావజాల ప్రచారంపై కేసు నమోదు
ప్రభుత్వ వ్యతిరేక మరియు మావోయిస్టు భావజాలాన్ని సోషల్ మీడియా వేదికగా ప్రచారం చేస్తున్నారనే తీవ్ర ఆరోపణలతో జులై 5వ తేదీన బచ్చలకూరి రావణ్పై పోలీసులు కేసు నమోదు చేశారు. ఈ కేసుకు సంబంధించి దర్యాప్తును ముమ్మరం చేసిన పోలీసులు, ఆయనపై చట్టవిరుద్ధ కార్యకలాపాల నిరోధక చట్టం (UAPA) కింద చర్యలు తీసుకున్నారు.
YouTuber Ravan: రిమాండ్ రిపోర్టులో కీలక విషయాలు వెల్లడి
పోలీసులు కోర్టులో దాఖలు చేసిన రిమాండ్ రిపోర్టులో రావణ్కు సంబంధించిన పలు కీలక అంశాలను ప్రస్తావించారు. నిషేధిత మావోయిస్టు నేత హిడ్మాను పొగడ్తలతో ముంచెత్తుతూ, సమాజంలో సాయుధ తిరుగుబాట్లను ప్రేరేపించే విధంగా, అలాగే ప్రస్తుత ప్రభుత్వ వ్యవస్థలను కూల్చివేయాలని ఉద్దేశపూర్వకంగా రెచ్చగొట్టే వీడియోలను ఆయన యూట్యూబ్లో అప్లోడ్ చేసినట్లు పోలీసులు గుర్తించి కోర్టుకు సమర్పించారు.