తెలంగాణకు చెందిన ముగ్గురు ఐఏఎస్ అధికారులు ఫేమ్ ఇండియా-ఏషియా పోస్ట్ సర్వే 2026 జాతీయ పురస్కారాలకు ఎంపికై రాష్ట్రానికి గౌరవం తీసుకొచ్చారు.

తెలంగాణకు చెందిన ముగ్గురు ఐఏఎస్ అధికారులు హరి చందన దాసరి, సి.

నారాయణ రెడ్డి, మిక్కిలినేని మను చౌదరిలు భారత్ లోని ప్రతిష్టాత్మకమైన "ఫేమ్ ఇండియా-ఏషియా పోస్ట్ సర్వే 2026" పురస్కారాలకు ఎంపికయ్యారు. దేశవ్యాప్తంగా దాదాపు 800 జిల్లాల కలెక్టర్ల నుంచి…. వినూత్న పాలన, ప్రజా సేవ, పరిపాలనా నైపుణ్యాలను విశ్లేషించి, టాప్ 100 జిల్లా కలెక్టర్ల జాబితాను ఎంపిక చేస్తారు. ఈ అరుదైన జాబితాలో వారు స్థానం దక్కించుకోవడం విశేషం.

ఫేమ్ ఇండియా మ్యాగజైన్, ఏషియా పోస్ట్‌తో కలిసి నిర్వహించిన "ఫేమ్ ఇండియా-ఏషియా పోస్ట్ సర్వే 2026" నాయకత్వం, ప్రజలతో సంబంధాలు, అభివృద్ధి కార్యక్రమాలు, పరిపాలనా సామర్థ్యం, సమాజంపై ప్రభావం వంటి పలు అంశాలపై కలెక్టర్లను మూల్యాంకనం చేసింది. ఈ అంచనాలో ప్రజాభిప్రాయంతో పాటు, ప్రజా ప్రతినిధులు, రాజకీయ నాయకుల నుండి వచ్చిన ఫీడ్‌బ్యాక్‌ను కూడా పరిగణనలోకి తీసుకున్నారు.