पुणे : पुणे शहरातील हडपसर बॉम्ब प्रकरणातील आरोपीला एटीएसने अखेर नागपूरमधून अटक करण्यात आली आहे. हडपसर येथील हॉस्पिटलमध्ये जिवंत बॉम्ब (IED) ठेवून शहरात खळबळ उडवून देणाऱ्या आरोपीचा शोध घेण्यात अखेर मोठे यश आले आहे.

या प्रकरणाचा कोणत्याही दहशतवादी संघटनेशी संबंध नसल्याचे पोलिसांनी स्पष्ट केले आहे. त्यामुळे पुणेकरांना मोठा दिलासा मिळाला आहे.

प्राथमिक माहितीनुसार, वैयक्तिक रागातून आरोपीने रुग्णालयाला लक्ष्य केले असण्याची शक्यता आहे. मात्र, यामागचे खरे कारण चौकशीनंतरच समोर येईल.
यापूर्वीच्या तपासात पोलिसांनी १०० हून अधिक सीसीटीव्ही कॅमेरे तपासले होते. तसेच सीसीटीव्हीतील संशयित हालचाली पाहून 15 ते 18 जणांनी चौकशीही करण्यात आली होती. आता अखेर तांत्रिक पुराव्यांमुळे आरोपीची ओळख पटली असून, अखेर त्याला नागपूरमधून अटक करण्यात आली आहे. पोलिस पुढील तपास करत आहेत.