ডিজিটেল ডেস্ক: দুৰ্বল জীৱনশৈলীৰ বাবে সম্প্ৰতি ডায়েবেটিচৰ দৰে দুৰাৰোগ্য ৰোগ তুলনামূলকভাৱে বৃদ্ধি হৈছে।জাংক ফুড আৰু চেনী ডায়েবেটিচৰ মূখ্য কাৰণ বুলি গণ্য কৰা হয়।কিন্তু আপুনি জানি আচৰিত হ'ব যে নিমখো হৈছে ডায়েবেটিছৰ অন্যতম কাৰণ। হয়, টাইপ ২ ডায়বেটিছৰ অন্যতম কাৰণ নিমখ।যিসকলে টাইপ ২ ডায়বেটিছৰ পৰা হাত সাৰি থাকিবলৈ বিচাৰে, তেওঁলোকে অতিৰিক্ত নিমখ খোৱা বাদ দিয়ক।

টুলেন বিশ্ববিদ্যালয়ত প্ৰকাশিত এক অধ্যয়নত পোহৰলৈ আহিছে সকলোকে আচৰিত কৰা এই তথ্য। বিগত ১১ বছৰ ধৰি চাৰি লাখতকৈও অধিক লোকৰ ক্ষেত্ৰত কৰা এই গৱেষণা কৰা হৈছিল। য'ত ১৩ হাজাৰৰো অধিক লোকৰ দেহত টাইপ ২ ডায়েবেটিছ ধৰা পৰে।

কি আছে অধ্যয়নত ?

এই অধ্যয়নত পোহৰলৈ আহিছে যে যিসকল লোকে কেতিয়াবা বা সদায়ে তেওঁলোকৰ খাদ্যত অত্যাধিক নিমখ খায়, তেওঁলোকৰ টাইপ ২ ডায়েবেটিছ হোৱাৰ সম্ভাৱনা সীমিত পৰিমাণে খোৱা লোকৰ তুলনাত ১৩%, ২০% আৰু ৩৯% অধিক হ'ব পাৰে।