গৱেষকসকলে এটা গোটত ৩০ জনকৈ মুঠ ৪টা গোটত পৰীক্ষা কৰিছিল। তেওঁলোকক ১২ সপ্তাহৰ বাবে ৰাতিপুৱা খালী পেটত ২৫০ মিলি পানীৰ সৈতে মিহলি কৰা ৫, ১০ বা ১৫ মিলি এপল চাইডাৰ ভিনেগাৰ খাবলৈ নিৰ্দেশ দিয়া হৈছিল। আন এটা গোটে একে ধৰণৰ চেহেৰা আৰু একে সোৱাদৰ সৈতে নিষ্ক্ৰিয় পানীয় (প্লেচেবো) গ্ৰহণ কৰিছিল। তিনি মাহৰ পিছত এপল চাইডাৰ ভিনেগাৰ গ্ৰহণ কৰাসকলৰ শৰীৰৰ ওজন আৰু শৰীৰৰ ভৰ সূচক (বিএমআই)ৰ অভাৱনীয়ভাৱে হ্ৰাস হৈছিল। গড় হিচাপত, এপল চাইডাৰ ভিনেগাৰ পান কৰা সকলে শৰীৰৰ ওজন ৬-৮ কিলোগ্ৰাম হ্ৰাস কৰিছিল আৰু তেওঁলোকৰ বিএমআই ২.৭-৩ পইণ্ট হ্ৰাস হৈছিল। গৱেষকসকলৰ মতে, এপল চাইডাৰ খোৱা গোটবোৰত ৰক্ত শৰ্কৰা, ট্ৰাইগ্লিচাৰাইড, আৰু কলেষ্টেৰলৰ স্তৰো যথেষ্ট হ্ৰাস পাইছিল।

আনহাতে, লেক্টিক এচিড থকা পানী দিয়া প্লেচিবো গোটটোৰ ওজন আৰু বিএমআই, ৰক্ত শৰ্কৰা আদিত তেনে কোনো পৰিৱৰ্তন হোৱা নাছিল। উল্লেখ্য যে, গৱেষকসকলে এইটোও উল্লেখ কৰে যে, যদি আপুনি যিকোনো খাদ্য যিকোনো সময়ত খাই এপল চাইডাৰ ভিনেগাৰ গ্ৰহণ কৰে, তেন্তে ই আপোনাৰ ওজন হ্ৰাসৰ কাৰক নহ’বও পাৰে। স্বাস্থ্যকৰ খাদ্য খাইহে ওজন কমাবলৈ আপুনি এপল চাইডাৰ ভিনেগাৰ গ্ৰহণ কৰিব পাৰে।

Also Read: আপুনিও যদি ওজন হ্ৰাস কৰিবলৈ বিচাৰে এইকেইটা কাম কৰিব