या प्रकरणात पोलिसांनी १६ ते १७ वर्षे वयोगटातील तीन अल्पवयीनांसह चौघांना आरोपी म्हणून ताब्यात घेतले आहे. चौथा आरोपी शिवम उर्फ सुदामा असल्याचे पोलिसांनी सांगितले.

१३ सप्टेंबरच्या सकाळी स्वरूप नगरमधील कुशक रोडजवळील शेतात एक मृतदेह पडल्याची माहिती पोलिसांना मिळाल्यानंतर या घटनेचा उलगडा झाला. मृतदेहाची अवस्था अत्यंत खराब झाली होती. त्यामुळे सुरुवातीला फॉरेन्सिक पथकालाही मृत व्यक्तीचे लिंग निश्चित करण्यात अडचण आली.

पोलिसांच्या माहितीनुसार, मृत मुलगी आणि आरोपी एकमेकांच्या परिचयाचे होते. कथितरित्या आरोपींनी टेम्पोमध्ये एकत्र दारू प्यायल्यानंतर मुलीवर बलात्कार केला आणि तिची हत्या केली.

मृतदेहाचे काही भाग भटक्या कुत्र्यांनी खाल्ल्याचे समोर आले आहे. तसेच तिचा एक हात शरीरापासून वेगळा झालेल्या अवस्थेत शेतात आढळल्याचे PTIच्या वृत्तात नमूद करण्यात आले आहे.

मुलगी बेपत्ता असल्याची तक्रार तिच्या कुटुंबीयांनी दाखल केली नव्हती. पोलिसांना कुटुंबीयांनी सांगितले की, ती अनेकदा घरातून बाहेर जात असे आणि काही दिवसांनी परत येत असे.

आदित्य ठाकरे सहा वर्षांनंतर का बोलले ?

फाळणी करणारा ब्रिटन फाळणीच्या उंबरठ्यावर

पुतिन यांनी पंतप्रधान मोदींना दिल्या वाढदिवसाच्या खास शुभेच्छा

तेलंगणात विसर्जनावेळी तलावात बुडून ६ मुलांचा मृत्यू

पोलिसांनी परिसरातील ५० हून अधिक सीसीटीव्ही कॅमेऱ्यांचे फुटेज तपासून प्रकरणाचा तपास पुढे नेला. संशयास्पदरीत्या फिरताना दिसलेल्या एका टेम्पोचा पोलिसांनी माग काढला. अंधार आणि कमी दृश्यमानतेमुळे सुरुवातीला वाहनाचा नोंदणी क्रमांक स्पष्टपणे दिसत नव्हता. मात्र, पुढील तपासात हा टेम्पो शोधून काढण्यात आला आणि तो खड्डा कॉलनी परिसरात पार्क केलेला आढळला.

पोलिसांनी टेम्पो चालकाला ताब्यात घेऊन त्याची कसून चौकशी केली. चौकशीतून अन्य तीन संशयितांची माहिती मिळाली. त्यानंतर तीन अल्पवयीन आणि शिवम उर्फ सुदामा यांना ताब्यात घेण्यात आले.

तपासादरम्यान पोलिसांनी कथित हत्येसाठी वापरण्यात आलेले दोन चाकू आणि आरोपींनी गुन्ह्याच्या वेळी परिधान केलेले रक्ताने माखलेले कपडे जप्त केले आहेत. या गुन्ह्यात आणखी कोणी सहभागी होते का, याचाही तपास पोलिसांकडून सुरू आहे.

या प्रकरणी भारतीय न्याय संहितामधील संबंधित कलमांसह पॉक्सो कायद्याच्या कलम ६ अंतर्गत गुन्हा दाखल करण्यात आला आहे.