साऱ्या जगाचे लक्ष इस्रोच्या कामगिरीकडे लागलेले होते. श्रीहरिकोटा येथील सतीश धवन अंतराळ केंद्रातून उपग्रहाचे यशस्वी प्रक्षेपण होताच पंतप्रधान नरेंद्र मोदी यांनी इस्रोच्या वैज्ञानिकांचे अभिनंदन करत, हे भारताच्या वाढत्या अंतराळ क्षमता, नवकल्पना आणि तांत्रिक उत्कृष्टतेचे प्रतिबिंब असल्याचे म्हटले आहे.

शुक्रवारी श्रीहरिकोटा येथील सतीश धवन अंतराळ केंद्रातून GSLV-F17 रॉकेटचे यशस्वी प्रक्षेपण करण्यात आले. या मोहिमेद्वारे EOS-05 उपग्रहाला निर्धारित कक्षेत पाठवण्यात आले. हा उपग्रह भूस्थिर कक्षेतून पृथ्वीचे निरीक्षण करणारा भारताचा पहिला समर्पित इमेजिंग उपग्रह ठरणार आहे.

पंतप्रधान मोदी यांनी सोशल मीडिया पोस्टद्वारे इस्रोच्या या कामगिरीचे कौतुक केले. GSLV-F17 मधून EOS-05 चे यशस्वी प्रक्षेपण ही भारतासाठी अभिमानाची बाब असल्याचे त्यांनी म्हटले. भारताच्या अंतराळ क्षेत्रातील उत्कृष्टता, नवकल्पना आणि सातत्याने वाढत असलेल्या क्षमता या मोहिमेतून दिसून आल्या आहेत, असे मोदी यांनी नमूद केले. तसेच इस्रो आणि भारतीय उद्योग क्षेत्रामधील वाढत्या सहकार्यामुळे देशाच्या अंतराळ कार्यक्रमाला नवी ताकद आणि व्यापकता मिळत असल्याचेही त्यांनी सांगितले.

नेपाळमध्ये दोन कामगारांची ९ दिवसांनी जलविद्युत प्रकल्पाच्या बोगद्यातून सुटका

GSLV-F17 चे काउंटडाऊन सुरू; भारताचा पहिला जिओ-इमेजिंग उपग्रह झेपावणार

ड्रोनपासून रणगाड्यापर्यंत… बेल्जियमसोबतच्या करारांमधून स्वदेशी उत्पादनाला चालना

टीकाकारांनी समान गोष्टींची तुलना करायला हवी!

EOS-05 हा पृथ्वी निरीक्षणासाठी विकसित करण्यात आलेला अत्याधुनिक उपग्रह आहे. भूस्थिर कक्षेतून देशाच्या एका विशिष्ट भागावर सातत्याने नजर ठेवण्याची क्षमता या उपग्रहामुळे भारताला मिळणार आहे. यामुळे पृथ्वी निरीक्षण, पर्यावरणीय बदलांचे परीक्षण आणि विविध धोरणात्मक तसेच नागरी क्षेत्रांसाठी आवश्यक माहिती मिळण्यास मदत होणार आहे. या यशस्वी प्रक्षेपणासह भारताच्या उपग्रह तंत्रज्ञान आणि अंतराळ संशोधन क्षेत्रातील क्षमतेला आणखी बळ मिळाले आहे. GSLV-F17 आणि EOS-05 मोहिमेने भारताच्या अंतराळ प्रवासात आणखी एक महत्त्वाचा टप्पा गाठल्याचे मानले जात आहे.