हा शब्दप्रयोग दिशाभूल करणारा असून जम्मू-काश्मीरचा तो भाग भारताचा अविभाज्य हिस्सा आहे, ज्यावर पाकिस्तानने बेकायदेशीरपणे कब्जा केला आहे, असे भारताने स्पष्ट केले.

भारतीय दूतावासाने सोशल मीडियावरील निवेदनात म्हटले की, 'जम्मू-काश्मीर हा भारताचा अविभाज्य भाग आहे. पाकिस्तानच्या बेकायदेशीर ताब्यात असलेल्या प्रदेशाला 'पाकिस्तानी काश्मीर' म्हणणे वस्तुस्थितीचे चुकीचे चित्रण करते.' आंतरराष्ट्रीय माध्यमांनी अशा संवेदनशील विषयांवर वस्तुनिष्ठ आणि अचूक शब्दप्रयोग वापरण्याची गरज असल्याचेही दूतावासाने नमूद केले.

हा वाद द न्यूयॉर्क टाइम्सने पाकिस्तानव्याप्त काश्मीरमधील निवडणुका, हिंसाचार आणि आंदोलनांवरील वृत्त प्रसिद्ध केल्यानंतर निर्माण झाला. त्या वृत्ताच्या मथळ्यात 'Pakistani Kashmir' असा उल्लेख करण्यात आला होता. भारताने या शब्दप्रयोगाला तीव्र विरोध दर्शवत, हा प्रदेश 'Pakistan-Occupied Kashmir (PoK)' किंवा 'Pakistan-occupied Jammu and Kashmir' असा उल्लेख करणेच वस्तुस्थितीशी सुसंगत असल्याचे सांगितले.

भारताची भूमिका अनेक दशकांपासून स्पष्ट आहे. १९४७ मध्ये जम्मू-काश्मीरचे भारतात विलिनीकरण झाल्यानंतर संपूर्ण जम्मू-काश्मीर हा भारताचा भाग असल्याचा भारताचा दावा आहे. त्यामुळे पाकिस्तानच्या ताब्यातील प्रदेशावरही भारत सार्वभौमत्वाचा दावा कायम ठेवतो. या पार्श्वभूमीवर 'Pakistani Kashmir' हा शब्दप्रयोग पाकिस्तानच्या दाव्याला वैधता देणारा असल्याचे भारताचे मत आहे.

ट्रम्प-झेलेन्स्की भेटीनंतर रशियाचा कीव्हवर क्षेपणास्त्र हल्ला

जॉर्डनमधील हल्ल्यानंतर अमेरिकेचे इराणवर हवाई हल्ले

पेपरफुटीविरोधी कायदा लोकसभेत मंजूर

कोळसा घोटाळा प्रकरणात दिवंगत डॉ. मनमोहन सिंग निर्दोष

दरम्यान, पाकिस्तानव्याप्त काश्मीरमध्ये सध्या राजकीय अस्थिरता आणि आंदोलनांचे वातावरण आहे. स्थानिक निवडणुकांदरम्यान हिंसाचार, आंदोलने आणि सुरक्षा दलांच्या कारवाईमुळे अनेक जणांचा मृत्यू झाल्याच्या घटना समोर आल्या आहेत. या घटनांमुळे त्या प्रदेशातील परिस्थिती अधिकच तणावपूर्ण बनली आहे. या प्रकरणामुळे आंतरराष्ट्रीय माध्यमांकडून वापरल्या जाणाऱ्या शब्दप्रयोगांवर पुन्हा एकदा चर्चा सुरू झाली आहे. भारताने स्पष्ट केले आहे की, जम्मू-काश्मीरसंदर्भातील कोणताही उल्लेख करताना आंतरराष्ट्रीय माध्यमांनी ऐतिहासिक आणि कायदेशीर वास्तव लक्षात घेऊन अचूक शब्दांचा वापर करावा.