त्याच्यावर राहुल गांधी यांच्याविरोधात अपमानास्पद भाषा वापरल्याचा आरोप करण्यात आला. मात्र, त्याने हे आरोप फेटाळून लावले आणि आपण कोणत्याही राजकीय संघटनेशी संबंधित नसून पंतप्रधान नरेंद्र मोदी यांचा चाहता असल्याचे सांगितले. ही घटना विरोधी पक्षांच्या खासदारांसाठी काँग्रेसने आयोजित केलेल्या दुपारच्या भोजनाच्या कार्यक्रमादरम्यान घडली.

वृत्तांनुसार, त्याने पंतप्रधान मोदी यांच्या समर्थनार्थ पोस्टर्स फडकावले आणि घोषणा दिल्या, तसेच गांधी घराण्यातील नेत्याला विरोध केला. यामुळे सुरुवातीला काँग्रेसच्या कार्यकर्त्यांशी त्याचा वाद झाला. त्यानंतर त्यांनी प्रसारमाध्यमांसमोरच त्याला मारहाण केली.

श्रीनगरचा रहिवासी असलेल्या नझीरने या घटनेनंतर प्रसारमाध्यमांशी संवाद साधला आणि निवडणुकीतील अनियमिततेच्या दाव्यांना आव्हान दिले. तो म्हणाला, 'इलेक्ट्रॉनिक मतदान यंत्रे अर्थात इव्हीएम १९८९ मध्ये दिवंगत पंतप्रधान राजीव गांधी यांच्या कार्यकाळात सुरू करण्यात आली. त्यानंतर २००४ आणि २००९ मध्ये ईव्हीएमचा वापर करून निवडणुका घेण्यात आल्या, तेव्हा काँग्रेस विजयी झाली होती. मग त्यावेळी भारताचा निवडणूक आयोग चोर होता का?'

कॉक्रोच पार्टीच्या आंदोलनासाठी ध्रूव राठी आला भारतात

पडद्यावर सैनिक साकारला, पुढे कारगिलच्या रणभूमीवर केलेली सेवा

तो पुढे म्हणाला, 'आज पंतप्रधान मोदी आणि केंद्रीय गृहमंत्री अमित शाह वारंवार निवडणुका जिंकत असताना, त्याच ईव्हीएमना सदोष म्हटले जात आहे आणि निवडणुकीतील चोरीचे आरोप केले जात आहेत. भारतीय निवडणूक आयोगाला चोर ठरवले जात आहे. याचाच निषेध करण्यासाठी मी येथे आलो आहे.'

त्यानंतर काश्मिरी तरुणाने त्याच्यावरील आरोपांचे खंडन केले आणि म्हटले, मी कोणत्याही प्रकारे गैरवर्तन केले नाही आणि कधीही अपमानास्पद भाषा वापरली नाही. मला कशा प्रकारे मारहाण करण्यात आली, हे तुमच्या कॅमेऱ्यांमध्ये चित्रित झाले आहे. मी त्याचा अपमान केल्याचा एक तरी व्हिडिओ मला दाखवा; मी त्याची, या लोकांची आणि संपूर्ण देशाची माफी मागेन. मी या देशाला नेपाळ होऊ देणार नाही. मी या देशाला श्रीलंका होऊ देणार नाही. मी या देशाला बांगलादेश होऊ देणार नाही.'

त्याने पुढे जाहीर केले, 'माझ्या शरीरातील रक्ताचा प्रत्येक थेंब देशासाठी आहे. मी पंतप्रधान मोदी यांचा चाहता आहे, कारण खोऱ्यातील दहशतवादात झालेली घट हा त्यांच्या धोरणांचा परिणाम आहे. हे गृहमंत्र्यांमुळे घडले आहे. काँग्रेसला इतक्या वर्षांत हे का साध्य करता आले नाही? सीमापार गोळीबार आणि ग्रेनेड हल्ले रोखण्यात ती अपयशी का ठरली? मोदी सरकार 'सबका साथ, सबका विकास' या तत्त्वावर काम करत आहे.'

व्यथित झालेल्या नझीरने असेही विचारले, 'विरोधी पक्ष निवडणुका जिंकतो, तेव्हा मतांची चोरी होत नाही का?' यावेळी त्याने 'कॉकरोच जनता पार्टी' (CJP), विरोधी पक्षांचे नेते आणि खासदार यांनी सुरू केलेल्या आंदोलनांवर प्रश्नचिन्ह उपस्थित केले.