पुराचा सर्वाधिक फटका भोटेकोशी आणि त्रिशूली नदी परिसरासह देशाच्या उत्तरेकडील आणि मध्य भागातील अनेक जिल्ह्यांना बसला आहे. या महापुरामुळे नेपाळमध्ये मोठ्या प्रमाणावर जीवित आणि वित्तहानी झाली असून, हजारो नागरिक अद्याप बेपत्ता आहेत. पूर आणि भूस्खलनामुळे अनेक भागांमध्ये रस्ते, पूल, जलविद्युत प्रकल्प आणि इतर पायाभूत सुविधांचे मोठे नुकसान झाले आहे. प्राथमिक सरकारी आकडेवारीनुसार, ३२ हजारांहून अधिक नागरिक या आपत्तीमुळे प्रभावित झाले आहेत. सुमारे ५५ किलोमीटरचे रस्ते, ३७ मोटारी पूल आणि ६८ झुलते पूल पूर्णपणे उद्ध्वस्त झाले आहेत.

नेपाळ लष्कर, पोलीस आणि सशस्त्र पोलीस दलाकडून बचाव आणि मदतकार्य सुरू आहे. आतापर्यंत १३ हजारांहून अधिक नागरिकांना सुरक्षित बाहेर काढण्यात आले आहे. ढिगारा, चिखल आणि पाण्यामुळे अनेक ठिकाणी बचावकार्याला मोठ्या अडचणी येत आहेत. जलविद्युत प्रकल्पांच्या बोगद्यांमध्ये अडकलेल्या कामगारांचा शोध घेण्यासाठी विशेष पथकेही कार्यरत आहेत.

दरम्यान, या बचाव मोहिमेत आशेचा किरणही पाहायला मिळाला. त्रिशूली-३ए जलविद्युत प्रकल्पाच्या बोगद्यात तब्बल नऊ दिवस अडकून राहिलेल्या दोन कामगारांना जिवंत बाहेर काढण्यात आले. या घटनेनंतर बोगद्यांमध्ये अडकलेल्या इतर नागरिकांचाही शोध घेण्यासाठी बचावकार्य आणखी वेगाने सुरू करण्यात आले आहे.

सहारनपूरमध्ये अनधिकृत मशिदीवर बुलडोझर

ना सिमेंट, ना काँक्रीट… सिंधू नदीवर भारताने उभारला पहिला 'रॉक डॅम'

इराणच्या 'पिकॅक्स माउंटन' अणुस्थळावर अमेरिकेकडून हल्ल्याचा इशारा

चायना मास्टर्समध्ये श्रीकांतचा प्रवास संपला

नेपाळमधील बचाव आणि मदतकार्यात भारताकडूनही सातत्याने सहकार्य केले जात आहे. भारताने मदत सामग्रीसोबतच बोगदा बचाव पथके, फॉरेन्सिक तज्ज्ञ आणि वैद्यकीय पथके नेपाळमध्ये पाठवली आहेत. बेपत्ता आणि मृतांची ओळख पटवण्यासाठी डीएनए नमुने गोळा करण्याचे कामही सुरू आहे. या भीषण नैसर्गिक आपत्तीनंतर नेपाळसमोर आता बचावकार्याबरोबरच मोठ्या प्रमाणावर पुनर्वसन आणि पायाभूत सुविधांच्या पुनर्बांधणीचे आव्हान उभे राहिले आहे.