या ढगांच्या हालचालींमुळे मान्सून पुन्हा सक्रिय होण्याचे संकेत मिळत असून, दिल्ली-NCRसह उत्तर भारतातील काही भागांमध्ये आगामी काळात पावसाची शक्यता वाढली आहे.

INSAT-3DS च्या ताज्या उपग्रह चित्रांमध्ये पूर्व आणि मध्य भारतावर विस्तीर्ण ढगांचा समूह तयार झाल्याचे दिसत आहे. या ढगांमध्ये मोठ्या प्रमाणात संवहनी हालचाल म्हणजेच पावसाला पोषक वातावरण तयार होत असल्याचे संकेत आहेत. बंगालच्या उपसागरापासून पूर्व आणि मध्य भारताच्या दिशेने ढगांची ही प्रणाली पुढे सरकत असल्याचे चित्र आहे. यामुळे मान्सूनची सक्रियता पुन्हा वाढण्याची शक्यता असून, पुढील काही दिवसांत विविध भागांमध्ये पावसाच्या सरी पाहायला मिळू शकतात.

दिल्ली-NCRमध्ये सोमवारी मुसळधार पावसामुळे अनेक भागांत पाणी साचले, वाहतूक कोंडी झाली आणि विमान वाहतुकीवरही परिणाम झाला. दिल्लीकडे येणारी किमान १५ विमाने खराब हवामानामुळे वळवण्यात आली होती. मंगळवारीही दिल्ली-NCRमध्ये पावसाची शक्यता कायम आहे. हवामान विभागाने अनेक भागांत हलका ते मध्यम पाऊस, तर काही ठिकाणी मेघगर्जनेसह पावसाचा अंदाज व्यक्त केला आहे.

गेल्या काही दिवसांत उत्तर भारतातील काही भागांत मान्सूनची सक्रियता कमी झाल्याचे चित्र होते. मात्र, बंगालच्या उपसागरापासून पूर्व आणि मध्य भारतापर्यंत तयार होणारी नवीन ढगांची प्रणाली मान्सूनला पुन्हा बळ देऊ शकते. यापूर्वीही ऑगस्टच्या मध्यात बंगालच्या उपसागरात तयार झालेल्या कमी दाबाच्या क्षेत्रामुळे पावसाचा नवा टप्पा सुरू होण्याचे संकेत मिळाले होते.

साखरेच्या साठेबाजीला चाप; दोन महिन्यांत विक्रीची सक्ती

सरकारी संकेतस्थळांवर सायबर हल्ला प्रकरण; पाच राज्यांत धाडी

क्रिकेट पंचावर बॅटने हल्ला करणारा ३६ वर्षांनी पकडला

यशस्वी-असिथा मैदानात भिडले; दंड बसला!

दिल्लीच्या सध्याच्या हवामान अंदाजानुसार २६ ऑगस्टला मेघगर्जनेसह पाऊस आणि २७ ऑगस्टला पावसाची शक्यता आहे. त्यानंतरही ढगाळ वातावरण राहण्याचा अंदाज आहे. त्यामुळे दिल्ली-NCRमध्ये सोमवारी झालेल्या पावसानंतर आता पावसाचा आणखी एक टप्पा येण्याची शक्यता निर्माण झाली आहे. उपग्रहातून दिसणारा ढगांचा मोठा पट्टा मान्सून अद्याप पूर्णपणे ओसरलेला नसल्याचे संकेत देत आहे.