गुप्त माहितीच्या आधारे पोलिसांनी ही कारवाई केली. राज किशोर कुमार असे अटक करण्यात आलेल्या जवानाचे नाव आहे. तो मटिहानी पोलीस स्टेशन हद्दीतील खोरमपूर चकोर येथील रहिवासी आहे.

जवानाकडून डिटोनेटर स्फोटकांचे 75 नग आणि 90 स्फोटकं असे साहित्य जप्त करण्यात आले आहे. अटक करण्यात आलेल्या आरोपीची वरिष्ठ पोलीस अधिकारी चौकशी करत आहेत. पोलिसांना रात्री उशिरा माहिती मिळाली की, एक व्यक्ती मोठ्या प्रमाणात स्फोटकं घेऊन कारमधून जात आहे. लोहियानगर ओव्हर ब्रीजजवळ पोलिसांनी आरोपीच्या कारला घेराव घातला. मात्र पोलिसांना पाहताच दोघं पळून गेले. तर, राजकिशोर सिंहला पोलिसांनी पकडले आहे.

पोलिसांनी कारची झडती घेतली असता कारमध्ये मोठ्या प्रमाणात स्फोटकं आढळून आली. अटक करण्यात आलेला राज किशोर कुमार दीड वर्षांपूर्वी सैन्यात भरती झाला होता. एसपी मनीष यांनी सांगितले की, ‘एका युवकाला संशयाच्या आधारे अटक करण्यात आली आहे. त्याच्याकडून मोठ्या प्रमाणात स्फोटक साहित्य जप्त करण्यात आले आहे, ज्याचा वापर घरं पाडण्यासाठी आणि भूसुरुंग लावण्यासाठी केला जातो. आरोपी मणिपूरमध्ये लष्करात लिपिक म्हणून कार्यरत आहे.’