फोटोवर लावायला कीर्तिचक्र नाही, असे अंशुमन यांच्या वडिलांनी म्हटले आहे.

अंशुमन यांच्या आई-वडिलांनी मंगळवारी रायबरेलीत खासदार आणि विरोधी पक्षनेते राहुल गांधी यांची भेट घेतली. जवान शहीद झाल्यानंतर मिळणारे फायदे हे नेक्स्ट टू कीन असलेल्या व्यक्तीला दिले जातात. त्यामुळे आई-वडिलांना काहीच मिळत नाही. या नियमात बदल करावा अशी मागणी त्यांनी केली. हुतात्मा अंशुमन यांचे वडील रवी प्रताप सिंह जेसीओ पदावरून लष्करातून निवृत्त झाले आहेत. ते म्हणाले की, सून स्मृती येथून सगळं काही घेऊन गेली. तिने तिचा पत्ताही बदलला आहे. आमच्याकडे कीर्ति चक्र स्वीकारल्याचं काहीच नाही. तेसुद्धा सून घेऊन गेली.

'Crime Reporting' Online अभ्यासक्रम अन् 'कमवा आणि शिका'ची संधी!

आई मंजू सिंह यांनी म्हटले की, ‘सुना पळून जातात. आई -वडिलांचाही सन्मान करायला हवा. आम्ही संरक्षण मंत्री राजनाथ सिंह आणि रायबरेलीचे खासदार राहुल गांधी यांच्याकडे विनंती केली आहे की लष्करात हुतात्मा होणाऱ्या जवानांच्या कुटुंबातील सुनेशिवाय आई वडिलांचीही काळजी घ्यायला हवी.’ माझा मुलगा लग्नाच्या तीन महिन्यानंतर शहीद झाला. त्याच्या काही दिवसांनीच सून घर सोडून गेली. जेव्हा पुरस्कार दिला गेला तेव्हा स्मृतीसोबत अंशुमनच्या आईला सुद्धा बोलावले. पण पुरस्कार फक्त स्मृतीला दिला. सून वेगळी राहते त्यामुळे आम्हाला काहीच मिळाले नाही. माझ्या मुलाच्या फोटोशिवाय काहीच नाही, असे वडील रवी प्रताप यांनी म्हटले आहे.

दरम्यान, अंशुमन यांच्या आई-वडिलांनी केलेल्या गंभीर आरोपावर सून स्मृती सिंह यांनी प्रतिक्रिया देताना म्हटले आहे की, ‘मला अद्याप काही माहिती नाही. ज्याचा जसा विचार आहे तसंच ते बोलतील. मला काही आक्षेप नाही. आता मी बाहेर आहे. ते काय बोलले आहेत ते पाहून मी बोलेन.’