मन्सूरपूर पोलीस स्टेशन हद्दीतील बेगराजपूर मेडिकल कॉलेजमध्ये ही घटना घडली आहे.

सांझक गावात राहणाऱ्या युवकाला (वय 20) ओमप्रकाश पाल नावाच्या व्यक्तीने आमिष दाखवून 3 जून रोजी बोलावले होते. ओम प्रकाश याने मेडिकल कॉलेजच्या डॉक्टरांच्या संगनमताने त्याचे गुप्तांग कापले आणि त्याचे लिंग बदलले. ओमप्रकाशने पीडित मुलाला 'आता तू मुलगी झाली आहेस आणि आपण दोघं आता लग्न करू' असे म्हटले आहे. पीडित युवकाने सांगितले की, ओमप्रकाश हा त्याला गेल्या दोन वर्षांपासून धमकावून त्याच्याशी गैरकृत्य करत होता. ऑपरेशननंतर शुद्धीवर आल्यावर मी विचारलं की, ऑपरेशन कशासाठी केले. तेव्हा आरोपीने सांगितलं की, मी तुला मुलापासून मुलगी बनवले आणि आता तुला माझ्यासोबत राहावे लागेल. वकील तयार करून कोर्ट मॅरेज करायचे आहे. लखनऊला जाऊ. माझे काका तिथे राहतात आणि त्यांनी 4 वर्षांपासून पेपर मिलमध्ये काम केलं आहे, आपण तिथेच घर बांधू, असे तो म्हणाला. आरोपीने पीडित युवकाच्या खात्यातून ३५ हजार रुपये काढले आहेत. आरोपी ओमप्रकाशने माझं आयुष्य उद्ध्वस्त केलं आहे. हॉस्पिटलमध्ये काय होणार आहे, याची मला कल्पना नव्हती. मी फक्त विश्वासाने आलो'.

दरम्यान, या प्रकरणाची माहिती मिळताच शेतकरी नेते श्याम पाल यांच्या नेतृत्वाखाली बीकेयूचे कार्यकर्तेही आरोपी ओमप्रकाश आणि डॉक्टरांवर कारवाई करण्याच्या मागणीसाठी मेडिकल कॉलेजमध्ये बेमुदत संपावर बसले. माहिती मिळताच सीओ खतौली रामशिष यादव यांनीही मेडिकल कॉलेज गाठलं आणि कारवाईचे आश्वासन दिले आहे.