पोलिस पुढील तपास करत आहेत.

एका बापाने आपल्या 14 वर्षांच्या मुलीवर लैंगिक अत्याचार केला होता. पीडितेच्या पोटात दुखू लागल्यानंतर आई रुग्णालयात घेऊन गेली होती. यावेळी डॉक्टरांनी तपासल्यानंतर ती सात महिन्यांची गरोदर असल्याचे समजातच आईला धक्का बसला. आईने तत्काळ पोलिस स्टेशनकडे धाव घेत तक्रार दाखल केली आहे. पोलिसांनी आरोपीला अटक केली आहे.

पोलिसांनी दिलेल्या माहितीनुसार, एका 14 वर्षांच्या मुलीने तिच्या आईकडे पोटदुखीची तक्रार केली होती. आईने मुलीला दवाखान्यात घेऊन गेल्यानंतर मुलगी सात महिन्यांची गरोदर असल्याचे निष्पन्न झाले. आईने केलेल्या तक्रारीच्या आधारे आरोपीला ताब्यात घेतले आहे. पीडित मुलीने सुरवातीला पोलिसांना खोटी माहिती दिली. पार्कमध्ये गोलू नावाच्या युवकाने तिच्यावर बलात्कार केल्याचे सांगितले. मात्र ती पोलिसांना घटनास्थळाबाबत जास्त काही सांगू शकली नाही. त्यानंतर पोलिसांनी महिला कर्मचाऱ्यांच्या मदतीने मुलीचे समुपदेशन केले असता तिने धक्कादायक खुलासा केला. वडील गेल्या एक वर्षापासून तिच्यावर अत्याचार करत आहेत. वडिलांच्या भीतीमुळे आणि बदनामीच्या भीतीने तिने याबाबत वाच्यता केली नव्हती. पीडित मुलीने खुलासा केल्यानंतर तिच्या पित्याला अटक केली आहे. पीडित मुलगी इयत्ता आठवीमध्ये शिकत असून, आरोपी रिक्षाचालक आहे.

दरम्यान, आरोपीला अटक करण्यात आली असून, पोलिस पुढील तपास करत आहेत.