संबंधित घटना उघडकीस आल्यानंतर खळबळ उडाली आहे.

श्रीदेवी रुदागी (वय 25) असे या शिक्षिकेचे नाव असून तिच्यासोबत गणेश काळे (वय 38) आणि सागर (वय 28) या दोन अन्य व्यक्तींना अटक करण्यात आली आहे. तिघांनी मिळून विद्यार्थिनीच्या वडिलांकडून 4 लाख रुपये वसूल केल्याचा आरोप आहे. तिघांनी संबंधित महिला शिक्षिका आणि मुलीचे वडील यांच्या गुप्त भेटींच्या छायाचित्रे आणि व्हिडिओंचा वापर करून त्यांना ब्लॅकमेल केले आहे.

पीडित व्यक्ती व्यापारी असून, त्याने 2023 मध्ये आपल्या पाच वर्षीय मुलीला शाळेत प्रवेश घेतला होता. त्या वेळी त्याची भेट शिक्षिका श्रीदेवी रुदागी हिच्याशी झाली होती. पीडित व्यक्तीने सांगितले की, श्रीदेवीने त्याच्याशी संपर्क ठेवला आणि त्यांनी एकमेकांना संदेश पाठवणे तसेच व्हिडिओ कॉल्सवर बोलणे सुरू केले. श्रीदेवीने या भेटीचा वापर करून त्याच्याकडून 4 लाख रुपये वसूल केले. नंतर जानेवारीमध्ये तिने 15 लाख रुपयांची मागणी केली.

पीडित व्यक्तीने त्याच्या कुटुंबाला गुजरातमध्ये स्थलांतर करण्याचा निर्णय घेतला. ज्यासाठी त्याला मुलीच्या ट्रान्सफर सर्टिफिकेटची आवश्यकता होती. जेव्हा तो सर्टिफिकेट मिळवण्यासाठी गेला. तेव्हा तिघांनी त्याला अडवले आणि त्याला खाजगी छायाचित्रे आणि व्हिडिओ दाखवले. आरोपींनी त्याच्याकडून 20 लाख रुपयांची मागणी केली. पीडित व्यक्तीने 1.9 लाख रुपये ट्रान्सफर केले. पण त्यानंतरही मागण्या सुरूच राहिल्या.

दरम्यान, श्रीदेवी रुदागी हिने अधिक पैशांसाठी त्याला त्रास देणे सुरू ठेवले. यानंतर पीडित व्यक्तीने पोलिसांशी संपर्क साधला. पोलिसांनी तिघांना अटक केली असून, आरोपींना 14 दिवसांच्या न्यायालयीन कोठडीमध्ये पाठवण्यात आले आहे. पोलिस पुढील तपास करत आहेत.

बीड पुन्हा हादरलं! प्रेमसंबंधातून युवकावर कोयत्याने सपासप वार…

पुणे! माजी नगरसेविकेच्या मुलाने आळंदीला नेऊन केलं लग्न अन् तीनवेळा गर्भपात…

चालकासोबत मालकीणीचं प्रेमसंबंध; महिलेच्या हत्या प्रकरणात नवा ट्विस्ट…

प्रेमकहाणीचा 'एक दुजे के लिए' स्टाईलने झाला शेवट…

पत्नीच्या छळाला कंटाळून आत्महत्या, व्हॉटसॲप स्टेटसवर लिहीले; पत्नीला माझा चेहरा दाखवू नका…