लखनौ (उत्तर प्रदेश) : एका पोलिस ठाण्याच्या प्रभारी महिला निरीक्षकाला तिच्या प्रियकरासह रंगेहात पकडण्यात आल्यानंतर मोठी खळबळ उडाली आहे. संबंधित घटनेचा व्हिडिओ सोशल मीडियावर व्हायरल झाला असून, परिसरात चर्चांना उधाण आले आहे.
महिला आग्रा पोलिस दलामध्ये पोलिस निरीक्षक आहे. तिचा प्रियकर पवन कुमार हा देखील मुझफ्फरनगरमध्ये पोलिस आहे. दुपारी पवन कुमार त्याची गर्लफ्रेंड असलेल्या महिला पोलिस अधिकाऱ्याला भेटण्यासाठी आग्रा येथील पोलिस क्वार्टरमध्ये पोहोचला होता. हा प्रकार त्याच्या पत्नीला कळला, त्यानंतर पत्नी आपल्या कुटुंबीयांसह पोलिस क्वार्टरमध्ये पोहोचली. लेडी इन्स्पेक्टरची क्वार्टर रूम आतून बंद होती. दार ठोठावल्यानंतरही दरवाजा न उघडल्याने पत्नी आणि तिच्या कुटुंबीयांनी दरवाजा तोडून खोलीत प्रवेश केला.
पत्नी आणि तिच्या कुटुंबीयांनी खोलीत प्रवेश केल्यानंतर प्रियकर आणि त्याच्या महिला निरीक्षक प्रेयसीला बाहेर काढले. त्यानंतर पत्नी आणि तिच्या कुटुंबीयांनी प्रथम महिला पोलिस निरीक्षक असलेल्या महिलेला बेदम मारहाण केली आणि नंतर पतीलाही मारहाण केली. मारामारीचे व्हिडिओ सोशल मीडियावर व्हायरल झाल्याने पोलिस विभागात खळबळ उडाली आहे. माहिती मिळताच एसीपी आणि डीसीपी शहरात पोहोचले. पोलिसांनी पत्नी आणि कुटुंबीयांना ताब्यात घेतले आहे.