संबंधित व्हिडिओ सोशल मीडियावर व्हायरल होत असून, नेटिझन्स प्रतिक्रियांच्या माध्यमातून अभिनंदनाचा वर्षाव करत आहेत.

सहाय्यक पोलिस निरीक्षक शिल्पा लांबे यांनी पावसात उभे राहून वाहतूक कोंडी सोडवण्याबरोबरच शाळेतून सुटलेले विद्यार्थ्यांना व वृद्ध महिलांना रस्ता ओलांडायला मदत केली. पावसात वाहतूक कोंडी सोडवतानाचा व्हिडिओ सध्या सोशल मीडियावर व्हायरल होत आहे.

दरम्यान, पुणे शहरात 10 दिवसानंतर पावसाने जोरदार हजेरी लावली. अचानक आलेल्या पावसाने रस्त्यांवर पाणी साचल्याचे चित्र होते. हवामान विभागाने पुणे जिल्ह्याला पुन्हा येलो अलर्ट दिला आहे. त्यामुळे नागरिकांना योग्य ती काळजी घ्यावी लागणार आहे.