ଗୁରୁଗ୍ରାମ: ମଧ୍ୟପ୍ରାଚ୍ୟରେ ଯୁଦ୍ଧ ବାତାବରଣ କାରଣରୁ ଦେଶରେ ରନ୍ଧନ ଗ୍ୟାସ୍ ଅଭାବ। ଲୋକମାନେ ଗ୍ୟାସ୍ ବୁକିଂ ଅସୁବିଧାର ସମ୍ମୁଖୀନ ହେଉଛନ୍ତି। ତାକୁ ଦୃଷ୍ଟିରେ ରଖି ଗୁରୁଗ୍ରାମରେ ନୂତନ ଏଲ୍ପିଜି ଏଟିଏମ୍ ସୁବିଧା ଆରମ୍ଭ କରାଯାଇଛି। ଏହାର ବିଶେଷତ୍ୱ ହେଉଛି ଏହା ୨ ରୁ ୩ ମିନିଟରେ ଏକ ଖାଲି ସିଲିଣ୍ଡର ବଦଳରେ ରିଫିଲ୍ ସିଲିଣ୍ଡର ମିଳୁଛି।
ଏକ ରିପୋର୍ଟ ଅନୁଯାୟୀ, ଏହି ଏଟିଏମ୍ ମେସିନ୍ ଗୁରୁଗ୍ରାମର ସୋହନାର ସେକ୍ଟର -୩୩, ସେଂଟ୍ରାଲ ପାର୍କ ଫ୍ଲାୱାର୍ ଭ୍ୟାଲିରେ ସ୍ଥାପିତ ହୋଇଛି। ଭାରତ ପେଟ୍ରୋଲିୟମ୍ କର୍ପୋରେସନ୍ ଲିମିଟେଡ୍ (ବିପିସିଏଲ୍) ଦ୍ୱାରା ଏକ ପାଇଲଟ୍ ପ୍ରୋଜେକ୍ଟ ଭାବରେ ଏହା ଆରମ୍ଭ କରାଯାଇଛି। ଏହି ସ୍ମାର୍ଟ ଏଟିଏମ୍ ମେସିନରେ ସମ୍ପୂର୍ଣ୍ଣ ଏଲ୍ପିଜି ରିଫିଲ୍ ପ୍ରକ୍ରିୟା ଡିଜିଟାଲ୍ ଏବଂ ସ୍ୱୟଂଚାଳିତ ଭାବେ କାର୍ଯ୍ୟ କରୁଛି।
ରିପୋର୍ଟ ଅନୁଯାୟୀ, ଏହି ମେସିନ୍ କମ୍ପୋଜିଟ୍ ଏଲ୍ପିଜି ସିଲିଣ୍ଡର ପ୍ରଦାନ କରୁଛି। ଯାହା ହାଲୁକା, ସ୍ୱଚ୍ଛ ଏବଂ ବ୍ୟବହାର କରିବାକୁ ସହଜ। ସାଧାରଣ ଲୁହା ସିଲିଣ୍ଡର ଗୁଡ଼ିକର ଓଜନ ଗ୍ୟାସ୍ ସହିତ ପ୍ରାୟ ୩୧ କିଲୋଗ୍ରାମ ଥିବାବେଳେ, ଏହି ଫାଇବର-ଆଧାରିତ କମ୍ପୋଜିଟ୍ ସିଲିଣ୍ଡରଗୁଡ଼ିକର ଓଜନ ୧୪ କିଲୋଗ୍ରାମ ଗ୍ୟାସ୍ ସହିତ ପ୍ରାୟ ୧୫ କିଲୋଗ୍ରାମ୍ ରହିଛି। ଏହା ବ୍ୟତୀତ, ଏହି ସିଲିଣ୍ଡରଗୁଡ଼ିକ ସ୍ୱଚ୍ଛ। ଫଳରେ ଭିତରେ ଗ୍ୟାସ୍ ସ୍ତର ଦେଖାଯାଉଛି। ଏହି ମେସିନ୍ ଏକାବେଳେ ୧୦ଟି ଗ୍ୟାସ୍ ସିଲିଣ୍ଡର ସଂରକ୍ଷଣ କରିପାରିବ।
ବିଜେଡିକୁ ଫେରିଲେ ରଘୁନାଥ ଓ ଜୀବନ…
ରାଜ୍ୟରେ ରେକର୍ଡ ଧାନ ସଂଗ୍ରହ: ୨୪…
ମେସିନ୍ରେ ଦୁଇଟି ସିଲିଣ୍ଡର ରହିବ ସେତେବେଳେ ଏହା ସ୍ୱୟଂଚାଳିତ ଭାବରେ ନିକଟସ୍ଥ ଗ୍ୟାସ୍ ଏଜେନ୍ସିକୁ ଏକ ସତର୍କ ସୂଚନା ପଠାଇବ। ଯାହା ଦ୍ୱାରା ନୂତନ ସିଲିଣ୍ଡରଗୁଡ଼ିକୁ ସମୟ ମଧ୍ୟରେ ଯୋଗାଣ କରାଯାଇପାରିବ। ଏହାର ସବୁଠାରୁ ବଡ଼ ସୁବିଧା ହେଉଛି ଏହା ୨୪ ଘଂଟା ଉପଲବ୍ଧ, ଯାହା ଦ୍ୱାରା ଗ୍ରାହକମାନେ ଡେଲିଭରି ପାଇଁ ଅପେକ୍ଷା ନକରି ଯେକୌଣସି ସମୟରେ ଗ୍ୟାସ୍ ସିଲିଣ୍ଡର ନେଇପାରିବେ। ପ୍ରଥମେ ମେସିନ୍ରେ ପଞ୍ଜିକୃତ ମୋବାଇଲ୍ ନମ୍ବର ପ୍ରବେଶ କରି ମୋବାଇଲ୍ରେ ପ୍ରାପ୍ତ ଓଟିପି ନମ୍ବର ଯାଂଚ୍ କରିବାକୁ ହେବ।
ଖାଲି ସିଲିଣ୍ଡରରେ ବାରକୋଡ୍ କିମ୍ବା କ୍ୟୁଆର କୋଡ୍ ସ୍କାନ କରି ୟୁପିଆଇ କିମ୍ବା ଡେବିଟ୍ କାର୍ଡ ମାଧ୍ୟମରେ ଦେୟ ପୈଠ କରିବାକୁ ହେବ। ଏହାପରେ ମେସିନ୍ ଖାଲି ସିଲିଣ୍ଡରକୁ ସଂରକ୍ଷଣ କରି ବଦଳରେ ଏକ ନୂଆ ଗ୍ୟାସ୍ ଭର୍ତି ସିଲିଣ୍ଡର ବିତରଣ କରିବ। ସମ୍ପୂର୍ଣ୍ଣ ପ୍ରକ୍ରିୟା ସାଧାରଣତଃ କେବଳ ୨ ରୁ ୩ ମିନିଟ୍ ସମୟ ନେଉଛି। ଫଳରେ ଗ୍ୟାସ୍ ରିଫିଲ୍ କରିବା ସହଜ ଏବଂ ସୁବିଧାଜନକ ହୋଇପାରୁଛି।