అమరావతి, మే 11 (ఆంధ్రజ్యోతి): ఏపీ డిప్యూటీ సీఎం పవన్ కల్యాణ్ ఎల్లప్పుడూ క్రమశిక్షణ, అంకితభావం రాజకీయాల కంటే సేవకే అగ్ర ప్రాధాన్యం ఇస్తారని బీజేపీ తమిళనాడు మాజీ అధ్యక్షుడు, మాజీ ఐపీఎస్ అధికారి అన్నామలై కుప్పుస్వామి (Annamalai Kuppuswamy) వ్యాఖ్యానించారు.

ప్రజలకు సేవ చేయడానికి పవన్ ఎప్పుడూ సిద్ధంగా ఉంటారని పేర్కొన్నారు.

గొప్ప విజయాన్ని పవన్ కల్యాణ్ సాధించాలి..

తన ప్రజాసేవ ప్రస్థానంలో నిరంతరం మంచి ఆరోగ్యంతో, గొప్ప విజయాన్ని పవన్ సాధించాలని చెప్పుకొచ్చారు. పవన్ కల్యాణ్ ట్రాన్స్‌ఫామ్స్ ఏపీలోని 6వ అధ్యాయాన్ని అన్నామలై ఆవిష్కరించారు. ఈ మేరకు ఆయన సోషల్ మీడియా ఎక్స్ వేదికగా ఓ పోస్టు పెట్టారు. ఈ సందర్భంగా పవన్ నాయకత్వంపై, ప్రజల సంక్షేమానికే అగ్రప్రాధాన్యం ఇచ్చే ఆయన పాలనపై ప్రశంసలు కురిపించారు. తిరుపతి నుంచి పళని వరకు... భక్తుల చిరకాల కోరిక పవన్ కల్యాణ్ నాయకత్వంలో సాకారమైందని ఉద్ఘాటించారు.