Pulwama Attack 2019: ఆ మధ్యాహ్నం ఏం జరిగింది?

మంచు తెల్లగా ఉండాల్సిన లోయ, భారత జవాన్ల రక్తంతో ఎర్రబడింది. 40 మంది ధీశాలులు దేశం కోసం తమ ప్రాణాలను త్యాగం చేశారు.
దేశం మొత్తం గడ్డకట్టిపోయింది.

ప్రేమికుల రోజు వేడుకలు జరగాల్సిన చోట, అమరవీరుల త్యాగానికి కన్నీటి నివాళులు అర్పించాల్సి వచ్చింది.

ఈ దాడి కేవలం మన సైనికులపై జరిగిన దాడి కాదు, భారత ఆత్మగౌరవంపై జరిగిన దాడి. కానీ, భారత సైన్యం పిరికిది కాదు. ప్రాణాలకు ప్రాణం, దెబ్బకు దెబ్బ తీయగలమని నిరూపించిన 'బాలాకోట్' ప్రతీకారానికి పుల్వామా ఘటనే పునాది వేసింది.

శ్రీనగర్-జమ్మూ హైవేపై సుమారు 78 వాహనాలతో కూడిన భారీ కాన్వాయ్ వెళ్తోంది. అందులో 2,500 మందికి పైగా సీఆర్పీఎఫ్ జవాన్లు ఉన్నారు.
అవంతిపురా సమీపంలోని లేథిపురా వద్దకు రాగానే, 350 కిలోల పేలుడు పదార్థాలతో నిండిన ఒక ఎరుపు రంగు స్కార్పియో కారు వేగంగా వచ్చి జవాన్ల బస్సును ఢీకొట్టింది. ఆ ధాటికి బస్సు తుత్తునియలైంది.

ఈ దాడి జరిగిన తీరుపై అప్పట్లో అనేక ప్రశ్నలు తలెత్తాయి:
- అంత భారీ స్థాయిలో పేలుడు పదార్థాలు (IED) కశ్మీర్ లోకి ఎలా వచ్చాయి?
- సాధారణంగా కాన్వాయ్ వెళ్లేటప్పుడు రహదారిని క్లియర్ చేస్తారు, మరి ఆ కారు అంత దగ్గరకు ఎలా రాగలిగింది?
ఈ ఘటన తర్వాతే భారత ప్రభుత్వం పారామిలటరీ బలగాల రవాణా మరియు భద్రతా ప్రోటోకాల్స్‌లో పెను మార్పులు తీసుకువచ్చింది.

పుల్వామా దాడి జరిగిన కేవలం 12 రోజుల్లోనే భారత్ గట్టి సమాధానం ఇచ్చింది. ఫిబ్రవరి 26 తెల్లవారుజామున భారత వాయుసేన (IAF) యుద్ధ విమానాలు సరిహద్దులు దాటి పాకిస్థాన్‌లోని బాలాకోట్లో ఉన్న జైష్-ఎ-మహమ్మద్ ఉగ్రవాద శిబిరాలపై బాంబుల వర్షం కురిపించాయి. స్వతంత్ర భారతదేశ చరిత్రలో యుద్ధం ప్రకటించకుండా పాక్ భూభాగంలోకి వెళ్లి దాడి చేయడం ఇదే మొదటిసారి.

మరణించిన 40 మంది జవాన్లలో ఎంతోమంది పేద కుటుంబాల నుండి వచ్చిన వారు ఉన్నారు. కొందరు సెలవు ముగించుకుని విధుల్లో చేరడానికి వెళ్తుండగా ఈ ప్రమాదం జరిగింది. ఈ ఘటన తర్వాత భారతీయులందరూ ఏకతాటిపైకి వచ్చి అమరవీరుల కుటుంబాలకు అండగా నిలబడ్డారు. కోట్లాది రూపాయల విరాళాలు సేకరించి వారికి అందజేశారు.

ఈ దాడి తర్వాత కేంద్ర ప్రభుత్వం తీసుకున్న నిర్ణయాలు:
- ఎయిర్ కొరియర్ సర్వీస్: జమ్మూ నుండి శ్రీనగర్ వెళ్లే జవాన్ల కోసం ప్రత్యేక విమాన సౌకర్యాన్ని కల్పించారు.
- భద్రత పెంపు: పారామిలటరీ బలగాలకు అత్యాధునిక ఆయుధాలు, బుల్లెట్ ప్రూఫ్ వాహనాలను సమకూర్చడంపై దృష్టి పెట్టారు.

2019 ఫిబ్రవరి 14న జమ్ము శ్రీనగర్ జాతీయ రహదారిలో భారతీయ సైనికులను తీసుకువెళ్తున్న వాహనాల కాన్వాయ్ మీద లేథిపురా (అవంతిపురా సమీపంలో) కారుతో ఆత్మాహుతి బాంబు దాడి జరిగింది.

ఈ దాడి కారణంగా 40 మంది సెంట్రల్ రిజర్వ్ పోలీస్ ఫోర్స్ (సీఆర్పీఎఫ్)సైనికులు, ఒక ఉగ్రవాది మరణించారు. పాకిస్తాన్ లో నెలకొని కార్యకలాపాలు సాగిస్తున్న ఇస్లామిక్ ఉగ్రవాద సంస్థ జైష్-ఎ-మహమ్మద్ ఈ దాడికి బాధ్యత ఉన్నట్టుగా ప్రకటించుకుంది. దాడిచేసినది కాశ్మీరీ అయిన ఆదిల్ అహ్మద్ దార్ అని గుర్తించారు.

కేంద్ర హోం మంత్రిత్వ శాఖ ఆధ్వరంలోని పారా మిలటరీ దళాలు అన్నిటిలోకీ అతిపెద్దది సెంట్రల్ రిజర్వ్ పోలీస్ ఫోర్స్.
అనిశ్చిత పరిస్థితుల్లో స్థానిక పోలీలసు బలగాలకు మద్దతునివ్వడానికి, తిరుబాట్లను అణచివేయడానికి పనిచేస్తుంది.
అబ్జర్వర్ రీసెర్చ్ ఫౌండేషన్ కు చెందిన రాజేశ్వరీ పిళ్ళై రాజగోపాలన్ ప్రకారం సైనిక బలగాల కన్నా ఈ పారామిలటరీ బలగాలకు శిక్షణ, ఆయుధాలు తక్కువే అందుతాయి.