15 ఏళ్ల వండర్ కిడ్‌కు బీసీసీఐ బంపర్ ఆఫర్!

Vaibhav Suryavanshi: భారత క్రికెట్‌లో సరికొత్త అధ్యాయాన్ని లిఖిస్తున్న 15 ఏళ్ల వండర్ కిడ్, లెఫ్ట్ హ్యాండ్ ఓపెనర్ వైభవ్ సూర్యవంశీ (Vaibhav Suryavanshi) కి భారత క్రికెట్ నియంత్రణ మండలి ( BCCI ) ఊహించని రీతిలో భారీ అండగా నిలిచింది.

ఐపీఎల్ 2026 సీజన్‌లో పరుగుల విధ్వంసం సృష్టించి, తొలిసారి భారత సీనియర్ జట్టుకు ఎంపికైన వైభవ్‌కు ఒక అరుదైన మినహాయింపును బోర్డు ప్రకటించింది. రాబోయే ఐర్లాండ్, ఇంగ్లండ్ పర్యటనలకు వైభవ్ తన తల్లిదండ్రులను వెంట తీసుకెళ్లేందుకు బీసీసీఐ ప్రత్యేక అనుమతి ఇవ్వడమే కాకుండా.. వారి ప్రయాణ, వసతి ఖర్చులన్నీ బోర్డే భరిస్తుందని వెల్లడించింది.

చిన్న వయసు.. పెద్ద బాధ్యత: బీసీసీఐ ప్రత్యేక నిర్ణయం

BCCI To Sponsor 15-Year-Old Vaibhav Suryavanshi's Parents For Ireland & England Tours

స్పోర్ట్‌స్టార్ (Sportstar) కథనం ప్రకారం.. అంతర్జాతీయ క్రికెట్‌లోని తీవ్రమైన ఒత్తిడిని, విదేశాల్లోని కొత్త వాతావరణాన్ని తట్టుకుని నిలబడటానికి కుటుంబ సభ్యుల తోడు వైభవ్‌కు ఎంతో అవసరమని బీసీసీఐ గుర్తించింది. "వైభవ్ ఇంకా 15 ఏళ్ల చిన్నపిల్లవాడు. విదేశీ పిచ్‌లు, కొత్త సంస్కృతిలో అతను సులభంగా సర్దుకుపోవడానికి (Settled) అతని తల్లిదండ్రులను కూడా అధికారికంగా టీమ్‌తో పాటు పంపాలని నిర్ణయించాం. వారి ప్రయాణ ఖర్చులన్నీ బోర్డే చూసుకుంటుంది" అని బీసీసీఐ సెక్రటరీ దేవజిత్ సైకియా స్పష్టం చేశారు. ప్రస్తుతం వైభవ్, ఇండియా-ఏ జట్టుతో కలిసి శ్రీలంకలో ట్రై-నేషన్ సిరీస్ ఆడుతున్నాడు.

ఐపీఎల్ 2026లో రాజస్థాన్ రాయల్స్ తరఫున 'ఆరెంజ్ క్యాప్' రికార్డ్

ఈ ఏడాది ఐపీఎల్‌లో రాజస్థాన్ రాయల్స్ (RR) ఫ్రాంచైజీ తరఫున బరిలోకి దిగిన వైభవ్ సూర్యవంశీ, లెజెండరీ ఆటగాళ్లను సైతం ఆశ్చర్యపరిచే రీతిలో బ్యాటింగ్ చేశాడు. టోర్నీలో అతను సృష్టించిన రికార్డుల వేట ఇలా ఉంది:

మొత్తం పరుగులు: ఈ సీజన్‌లో ఏకంగా 776 పరుగులు సాధించి టాప్ స్కోరర్‌గా నిలిచాడు.
ఆరెంజ్ క్యాప్ విజేత: అత్యంత చిన్న వయసులోనే ఐపీఎల్ 'ఆరెంజ్ క్యాప్' (Orange Cap) అందుకున్న ప్లేయర్‌గా చరిత్ర సృష్టించాడు.
అవార్డుల పంట: టోర్నీలో 1 సెంచరీ, 5 హాఫ్ సెంచరీలతో విరుచుకుపడి.. 'మోస్ట్ వాల్యుబుల్ ప్లేయర్' (MVP), అలాగే 'ఎమర్జింగ్ ప్లేయర్ ఆఫ్ ది ఇయర్' అవార్డులను క్లీన్ స్వీప్ చేశాడు. ఈ అసాధారణ ప్రదర్శనే అతనికి ఐర్లాండ్, ఇంగ్లండ్ పర్యటనలతో పాటు ఆసియా క్రీడల భారత జట్టులో స్థానం తెచ్చిపెట్టింది.

Vaibhav Suryavanshi:"తనను తానే సెలెక్ట్ చేసుకున్నాడు" - చీఫ్ సెలక్టర్ అగార్కర్

వైభవ్ జట్టులోకి రావడంపై చీఫ్ సెలక్టర్ అజిత్ అగార్కర్ ప్రశంసల వర్షం కురిపించారు. "వైభవ్ ఎంపిక కోసం మేం పెద్దగా కసరత్తు చేయలేదు. తన అద్భుతమైన ప్రదర్శనతో తనను తానే జట్టులోకి ఎంపిక చేసుకునేలా సెలెక్టర్లను బలవంతం చేశాడు. ఐపీఎల్ ప్లేఆఫ్స్ ఒత్తిడిలో దాదాపు ఒంటిచేత్తో రాజస్థాన్ రాయల్స్‌ను ముందంజలో నిలిపిన తీరు అసాధారణం. అతను మ్యాచ్ గమనాన్ని మార్చగల పవర్‌ఫుల్ ప్లేయర్. భవిష్యత్తు భారత క్రికెట్‌కు అతనే ఆశాకిరణం."