Jubilee Hills Instagram Trap: సోషల్ మీడియా వేదికగా మైనర్ బాలికలను ప్రేమ పేరుతో వంచించి, వారిని బ్లాక్‌మెయిల్ చేస్తున్న ఓ ముఠా ఉదంతం హైదరాబాద్‌లో కలకలం రేపుతోంది.

జూబ్లీహిల్స్ పోలీసులు మరియు షీ టీమ్స్ సంయుక్తంగా జరిపిన విచారణలో షాకింగ్ విషయాలు వెలుగులోకి వచ్చాయి.

Read Also :Zahirabad Road Accident:దైవదర్శనానికి వెళ్లి తిరిగి వస్తూ అనంత లోకాలకు

ఎలా ట్రాప్ చేసేవారు?

నిందితుడు అర్జున్, తన అనుచరులతో కలిసి ఇన్‌స్టాగ్రామ్‌లో సంపన్న కుటుంబాలకు చెందిన బాలికలను గుర్తించేవాడు.

• ప్రేమ పేరుతో వల: ఖరీదైన కార్లు, లగ్జరీ జీవనశైలిని ప్రదర్శిస్తూ బాలికలతో స్నేహం చేసేవాడు. వారి నమ్మకాన్ని గెలుచుకున్నాక ప్రేమ పేరుతో వారిని లొంగదీసుకునేవాడు.
• న్యూడ్ ఫోటోలు & వీడియోలు: బాలికలతో సన్నిహితంగా ఉన్న సమయంలో ఫోటోలు, వీడియోలు తీసి వాటిని సోషల్ మీడియాలో పెడతానని బెదిరింపులకు దిగేవాడు.
• లక్షల్లో వసూళ్లు: పరువు పోతుందనే భయంతో ఉన్న బాధితుల నుంచి నిందితులు లక్షలాది రూపాయలను వసూలు చేసినట్లు పోలీసులు గుర్తించారు.

Jubilee Hills Instagram Trap: 19 మంది బాధితులు.. పోలీసుల దర్యాప్తు

పోలీసుల ప్రాథమిక విచారణలో ఇప్పటివరకు సుమారు 19 మంది బాలికలను ఈ ముఠా ట్రాప్ చేసినట్లు వెల్లడైంది. వీరిలో ఎక్కువ మంది విదేశాల్లో ఉన్న సంపన్నుల పిల్లలు మరియు పేరున్న వ్యాపారవేత్తల కుమార్తెలు ఉన్నట్లు సమాచారం.

తల్లిదండ్రులకు సూచన: తమ పిల్లల సోషల్ మీడియా యాక్టివిటీపై నిఘా ఉంచాలని, తెలియని వ్యక్తులతో స్నేహానికి దూరంగా ఉండేలా జాగ్రత్తలు తీసుకోవాలని సైబరాబాద్ పోలీసులు సూచిస్తున్నారు.