Madhya Pradesh Crime: మధ్యప్రదేశ్‌లోని రాయ్‌సేన్‌, విదిశ జిల్లాల సరిహద్దు అటవీ ప్రాంతం లో దారుణ ఘటన చోటుచేసుకుంది. భార్య ప్రవర్తనపై అనుమానంతో కన్నతండ్రి అని కూడా చూడకుండా, రెండేళ్ల పసిబిడ్డను క్రూర మృగాలు తిరిగే దట్టమైన అడవిలో వదిలేసి వెళ్ళిపోయాడు ఒక కిరాతకుడు.

పోలీసులు రాత్రంతా గాలింపు చేపట్టి ఆ చిన్నారిని ప్రాణాలతో కాపాడారు.

నమ్మించి తీసుకెళ్లి.. అంతమొందించి..

బేగంగంజ్‌లోని హిమోటియా గ్రామానికి చెందిన రాజేంద్ర అహిర్‌వార్, తన భార్య జ్యోతిపై అనుమానం పెంచుకున్నాడు. ఈ క్రమంలోనే ఆమెను వదిలించుకోవాలని పథకం వేశాడు. రెండు రోజుల క్రితం భార్యకు కొత్త మొబైల్ ఫోన్ కొనిస్తానని నమ్మబలికి, తన రెండేళ్ల కుమారుడితో సహా బయటకు తీసుకెళ్లాడు. వారిని హైదర్‌గఢ్ పోలీస్ స్టేషన్ పరిధిలోని అటవీ ప్రాంతానికి తీసుకెళ్లి, అక్కడ భార్యతో గొడవకు దిగాడు. కోపంతో ఊగిపోయిన రాజేంద్ర, జ్యోతి తలపై బండరాయితో మోది అక్కడికక్కడే హత్య చేశాడు. అనంతరం భయంతో ఏడుస్తున్న తన కుమారుడిని కూడా అడవిలోనే వదిలేసి పారిపోయాడు.

Read Also : UP Crime: ముజఫర్‌నగర్‌లో వెలుగుచూసిన దారుణం.. 14 ఏళ్ల బాలికపై మామయ్య, తండ్రి అత్యాచారం

Husband brutally kills wife and abandons baby in forest!

Madhya Pradesh Crime: పోలీసుల విచారణలో వెలుగులోకి నిజం

జ్యోతి, ఆమె కుమారుడు రెండు రోజులైనా ఇంటికి తిరిగి రాకపోవడంతో కుటుంబ సభ్యులు పోలీసులకు ఫిర్యాదు చేశారు. పోలీసులు రాజేంద్రను అదుపులోకి తీసుకుని తమదైన శైలిలో విచారించగా, అసలు విషయం బయటపడింది. తాను భార్యను చంపేశానని, బాబును అడవిలో వదిలేశానని అతడు చెప్పడంతో పోలీసులు షాక్‌కు గురయ్యారు. చిమ్మచీకటి, క్రూరమృగాల సంచారం ఉండే ఆ అడవిలో చిన్నారి పరిస్థితి ఏంటోనని పోలీసులు తక్షణమే అప్రమత్తమయ్యారు.