8th Pay Commission: కేంద్ర ప్రభుత్వ ఉద్యోగులు, పెన్షనర్ల సంఘాల కూటమి అయిన భారత్ పెన్షనర్ల సమాజ్ (BPS) ప్రతినిధులు న్యూఢిల్లీలో 8వ వేతన సంఘం (8th Pay Commission) అధికారులతో సమావేశమై తమ కీలక ప్రతిపాదనలు, సిఫార్సులను అందించారు.
బిపిఎస్ అధ్యక్షుడు ఆర్కే చౌహాన్, కార్యదర్శి జనరల్ అవినాష్ రాజ్పుత్ల నేతృత్వంలోని బృందం అధికారులతో చర్చలు జరిపింది.
Read Also: RBI home loan rules: గృహ రుణాలపై ఆర్బీఐ శుభవార్త
8th Pay Commission: భారత్ పెన్షనర్ల సమాజ్ (BPS) ప్రధాన డిమాండ్లు
- కనీస పెన్షన్ ₹45,000: ప్రస్తుతం నెలకు ఉన్న కనీస పెన్షన్ ₹9,000 నుంచి ఐదు రెట్లు పెంచి ₹45,000కు వేయాలని డిమాండ్ చేశారు. అలాగే రిటైర్మెంట్కు ముందు తీసుకున్న చివరి బేసిక్ పేలో 67% పెన్షన్గా, 50% ఫ్యామిలీ పెన్షన్గా చెల్లించాలని సూచించారు.
- కనీస వేతనం ₹69,000: నేషనల్ కౌన్సిల్ – జాయింట్ కన్సల్టేటివ్ మెషినరీ (NC-JCM) ప్రతిపాదనల తరహాలోనే 3.83 ఫిట్మెంట్ ఫ్యాక్టర్ (Fitment Factor) వర్తింపజేయాలని, దీనివల్ల ప్రస్తుతం ఉన్న కనీస బేసిక్ పే ₹18,000 నుంచి ₹69,000కు పెరుగుతుందని స్పష్టం చేశారు.
- కుటుంబ యూనిట్లు 5.2కు పెంపు: వేతన నిర్ణయం లెక్కింపు కోసం కుటుంబ ఆధారిత యూనిట్లను 3 నుండి 5.2 యూనిట్లకు పెంచాలని, దీనివల్ల వేతనాల పెరుగుదల సమగ్రంగా ఉంటుందని సిఫార్సు చేశారు.
- ప్రతి 5 ఏళ్లకు వేతనాల సవరణ: ప్రతి 10 ఏళ్లకు ఒకసారి కాకుండా ప్రతి 5 ఏళ్లకు ఒకసారి వేతనాలు, పెన్షన్లను సవరించాలని, డీఏ/డీఆర్ (DA/DR) సవరణను ఏడాదికి రెండుసార్లు కాకుండా త్రైమాసిక ప్రాతిపదికన (ప్రతి 3 నెలలకోసారి) చేపట్టాలని కోరారు.
- రూ. 5,000 హెల్త్ అలవెన్స్: గ్రామీణ మరియు నాన్-సిజిహెచ్ఎస్ (Non-CGHS) ప్రాంతాల్లో నివసించే పెన్షనర్లకు క్యాష్లైస్ వైద్య సదుపాయాలతో పాటు నెలకు ₹5,000 స్థిర వైద్య భత్యం (Fixed Medical Allowance) అందించాలని విజ్ఞప్తి చేశారు.
కేంద్ర ప్రభుత్వ ఉద్యోగులు, పెన్షనర్లు మరియు ఇతర వాటాదారులతో 8వ పే కమిషన్ తన రెండవ విడత చర్చలను నిర్వహిస్తోంది. ఈ సూచనలు, నివేదికల ఆధారంగా పే కమిషన్ తన తుది సిఫార్సుల నివేదికను సిద్ధం చేసి కేంద్ర క్యాబినెట్ ఆమోదానికి పంపనుంది.
Epaper: epaper.vaartha.com