KKR vs LSG: ఐపీఎల్ 2026లో భాగంగా లక్నో వేదికగా జరిగిన మ్యాచ్‌లో కోల్‌కతా నైట్ రైడర్స్ (KKR) స్టార్ ఫినిషర్ రింకూ సింగ్ మరోసారి తన బ్యాట్‌తో మ్యాజిక్ చేశారు.

లక్నో సూపర్ జెయింట్స్‌పై జట్టును విజయపథంలో నడిపించిన రింకూ ప్రదర్శన ఒకెత్తయితే, మ్యాచ్ అనంతరం ఆయనకు కాబోయే భార్య ప్రియా సరోజ్ పంచుకున్న మాటలు ఇప్పుడు క్రికెట్ అభిమానుల కళ్లు చెమ్మగిల్లేలా చేస్తున్నాయి.

Read Also:Mohsin Khan : మొహ్సిన్ ఖాన్ పంజా.. కుప్పకూలిన కేకేఆర్

విజయ కేతనం.. మనసు నిండా విషాదం

ఎకానా స్టేడియంలో జరిగిన ఈ పోరాటంలో రింకూ సింగ్ పరుగుల సునామీ సృష్టించి కేకేఆర్‌కు చిరస్మరణీయ విజయాన్ని అందించారు. అయితే ఈ ఆనంద సమయానా రింకూ తండ్రి ఖాంచంద్ సింగ్ భౌతికంగా అక్కడ లేకపోవడం ఆ కుటుంబాన్ని కలిచివేసింది.కేకేఆర్ విడుదల చేసిన వీడియోలో ప్రియా మాట్లాడుతూ.. “రింకూ ఆడిన ఈ అద్భుతమైన ఇన్నింగ్స్ నా మామగారికి అంకితం.

ఈ విజయాన్ని చూసి ఆయన ఎంతో మురిసిపోయేవారు. మేమందరం ఆయన్ని చాలా మిస్ అవుతున్నాం” అంటూ భావోద్వేగానికి లోనయ్యారు.రింకూ తండ్రి ఖాంచంద్ సింగ్ గత ఫిబ్రవరిలో లివర్ క్యాన్సర్‌తో పోరాడుతూ మరణించారు. తన ఎదుగుదల కోసం ఎంతో శ్రమించిన తండ్రిని కోల్పోయిన బాధను గుండెల్లో దాచుకుని, రింకూ మైదానంలో పట్టుదలతో ఆడుతున్న తీరు అందరినీ ఆకట్టుకుంటోంది.